fbpx

Endik laikung pan – Agape Digest No.02

Kumlui sung hong tonpihin i muh ngeinai loh kumthak sungah hong galkah pih Topa tungah lungdam i ko hi. Agape Digest Laisim mimal kim kumthak Thupha!

Abeisa kumte enkik hile hang, Convid-19 hangin leitung hong linglawnga tutadih-in i tenna leitung in khangtoh lam sangin kiamsuk lam manawh zaw hi cileng kikhiallo ding hi. 2020 kum pat akipan Covid-19 pulnatna in leitung hong vatin 2021 sungin Delta Variant in hong khang a, kumbei kuan in Omicron variant in hong kibehlap lailai hi. 2021 kum lui sungah gamsung gampua a om, Zomi it le ngaih, lawm le gual, innkuan, pawlpite a kipan mipil misiam, mi pammaih tampi in Topa kiang hong zuatsan uh hi. Amaute tawh i ki-etkhak ciangin hoihzawkna, siamzawkna, phatzawkna, pammaih zawkna anei hipeuhmah lo napi hang, Topa’n nang le kei nunakna hong kawmlai a, kumthak 2022 hong kalkahpih cih pen Topa hong itna leh hong hehpihna hang bekbek mah ahi hi.

Topa in 2022 kum agalkai thei dingin nang le kei nuntakna hong koplaina in abeisa hun a, i hoihlohnate akipuahpha thei dingin hehpihna hun hong pialai zong hithei hi. Tua ahih manin lungsim, kha le pumpi adingin ahoihlo nate paisanin kipuahpha a, 2022 kum sungah Topa le minam ading in na lianpi i sepzawh nangin Topa deihna bangin nunta a, kalsuan simin Topa tawh a tonkhawm den ahi ciat dingin laisim mimal kim Topa’n thupha hong piata hen, Amen.

Endik pawl

Post a comment

This site uses Akismet to reduce spam. Learn how your comment data is processed.

Print your tickets