fbpx

Galpa Theihna-2 

Pau.1:18-19 

18Ahi zongin mite in amau’ awkna ding mah thang siah uh a, kuamah dang awk loin, amau mah  hai awk uh hi. 19Zawhthawh thu tawh mi’ na a sutte in sihlawh tawntung zaw a, hih bangin a  gamtate in tua bangmah tuak ngitnget hi.

  1. Huaihamna ( Pau.15:27) 
  • A huaiham mi khat pen Satan thang sungah awk ta
  • Thang a awk mikhat in daihna ngah nawnlo
  • A huaiham mite le Satan om khawm ahih manin a huaiham mite omna ah  daihna om lo,
  • Huaiham luate a tawpna ah khutkhial thei
  • Banghang hiam cih leh, Satan pen athatpa, agupa
  1. Ngongtatna ( Guh gawigawi) Ezk.28:16; 
  • Dawi in, A ngongtat mikhat pen belnuam(zuinuam) zaw hi. (1Pet.5:8-9)    • Mi ngongtatpa thusia in suizuih ta hen. (Lt.140:11) 
  • a ngongtat nuam mite a lungsim in mudah hi. (Lt.11:5)

 

  1. Kiphatsakna 
  • A kiphatsakna hangin leitungah kikhiasuk
  • Kiphaksakna in Pasian hehsak hi

3.a. A kiphasak mi-in Satan pawl 

  • Leitungah kiphaksakna hongtun masa Satan
  • A kiphasak mi namuh nak leh, Satan pawl, neh ke’n

3.b. Kiphatsakna in Siatna piangsak 

Pau.15:25;

  • A kiphasak te Pasian in susia ding hi.
  • Kiphatsakna in siatnna hong tuaksak hi.( Pau.16:18)

3.c. Akiphasak mi in Pasian maiah kihhuai pen hi 

Pau.16:5

  • Kiphasakna omna munah Pasian in nasem thei lo

Ref: Dr Lian Muan Kim ( Makaih Pilna Laibu) 

KiPhatsakna Satan kiangpan ahi hi.  

Kiphatsakna tawh kisai theihding a kilawm thupawl khat

  1. Mite mawhna i zonkhak leh, a kiphasak ihi hi.Mi mawhna I zon ciangin ei a kidiksak ihi a,  midangte a khialsak ihi hi. Ei mawhnateng phawk taktak lehang kuamah I mawhpaih  ngam kei ding hi.
  2. Kei hong kikoi ci muh tam, cih lungsim I neih khak leh a kiphasak ihi hi.Mite muhna ah  khami/ mihoih hih ding hanciam napi, kuama muhlohna ah I hanciam kei leh ‘kei’ thupi  hong kisa hen, cih lungsim a nei ihi hi.
  3. Hong kigensiat ciang I heh khak leh, a kiphasak ihi hi. Gensiatna ding nei keng, hoih ing,  kicing ing, kei hong gensia dingin nang kua hi lel na hiam, aci ihi hi.
  4. Hong kisimmawh ciang I heh leh, a kiphasak mahmah ihi hi. Kei, no simmawh ding hi ke’ng, kua hi lel na hi uh hiam, aci ihi a, guallel sa pipi mah a, a kiphasak lai veve ihi hi. Zeisu hehnate  ngaihsun ni, Pasian min a kidaisak ciang bekin heh a, amah bangzah ta-in kisimmawh ta leh, heh  se lo hi.
  5. Ei leh ei I kiphat ciangin zong a kiphasak ihi a, a phattak khat I phatloh ciangin zong a  kiphasak mahmah ihi hi. Mite thupisakna I zon limlim leh, a kiphasak mahmah khinta ihi hi.
  6. Midang I awlmawh loh ciangin a kiphasak ihi hi. Gitlohna lianpen in midangte  awlmawhlohna ahi hi. Gilo lua kisa mi khat peuh va vua lehang, a awlmawh lai ihi sam a, I  awlmawh loh ciangin bel bangmah a, sim vetlo ihi hi. Gilohna le kiphatsakna pokhawm  a, awlmawhlohna vive gahkhia uh hi.

 

  1. Panmun kiteelna ah hong kiteel kei a i heh leh, a kiphasak ihi hi.
  2. I panmun deih khat midang khat in a ngah ciang, I lungdampih kei leh a kiphasak  mahmah ihi hi.
  3. Nipi sim a, i tutna ah midang khatpeuh a na tut masak ciang I hehpian leh, a kiphasak  mahmah ihi hi.
  4. Ke’n sem kei leng, kisem zo ke’n teh, cih lungsim I neih leh ‘kei’ cih lungsim a nei ihi a, a  kiphasak mahmah ihi hi.

Thukhup na:

⮚ I galpa Satan hong khemna tuamtuam pan suahtakna a ngah kim dingin mimal kim Topa  Khasiangtho in hong makaih ta hen. Amen

Post a comment

This site uses Akismet to reduce spam. Learn how your comment data is processed.

Print your tickets