fbpx

Nakpi nuamna thu – Rev. Thang Za Kap

“Tua gamah tuucingte in gamlakah giakin amau tuuhonte zaanin a cing uh hi. Topa’ vantungmi khat in amaute kiangah ding a, a kiimkot ah Pasian’ vang tang a, amaute in a kihta mahmah uh hi. Ahih hangin vantungmi in, “Lau kei un. Banghang hiam na cih uh leh, mi khempeuh ading nakpi nuamna thu kong zasak ding hi.” (LUKA 2:8-10 (Tedim Bible 1977 version)
Dr. Zam Khat Kham in a facebook ah Cambrigde Universtiy ii 2013 kuma a suaksak mi minthang pente sayin na koih hi. Tua lakah Jesuh pen a khatna na ahi hi. A nuntak zawh kum 2000 pha khin napi, a nungzui tam semsemin minthang semsem hi. Eite in zong ama suahni pawi a bawl laitak ihi hi.
Tualeh, ama hong puak Nakpi nuamna thu a cih pen bang hi ding hiam?
Nakpi nuamna thu I cih in: Jesuh a um khempeuh suahtakna ngahin vantung tung ding hi. “Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.” (GALATI 4:4-5 TDB)

Jesuh hong paina pen
1. Luahsuak mawhna pan hong tanh khia ding
2. Thukham nuai pan hong tanh khia ding, cih thu nih ngimna pi ahi hi. Rom 3:24 ah “Ahi zongin Pasian in a hong hehpihna hangin Khrih Jesuh tawh hong tatkhiat manin amah tawh i kipawlthei kik hi.”(ROM 3:24 TDB)

Charles Spurgeon’ gentehna khat ah, vantung gam tung ding hi leh,
1. Mi khempeuh in a neihsa khempeuh zuak ngam ding hi, ci hi.
2. Tai 100 vangiak pua-in pai ding ci leh, kipan ding hi hang’ ci hi. (Kawlpi pan Thantlang pen tai 100 pha)
3. Bawlsiatna thuak ding ci leh zong, kithuak ngam ding hi, ci hi.
4. Vantunggam pen a KHAWNKHONG (a mawkna/ man paik lo) hi kici leh, kua mah ut lo ding hi, ci hi.
Khrishmas pen a khawnkhong hi. Khrishmas i cih pen Pasian in a tapa a khawngkhong aa hong pia hi zen hi. A haupen pa zong tung thei ding, a zawngpen a haipen pa zong tung thei dinga Pasian in a khawnkhonga hong piak ahi hi. Gamtatna zong hi lo, upna leh hehpihna bek tawh a kingah ahi hi. I lungdam mana gamtat hoih ding cih bek hi-in gupna ngahna dingin hoihna kisam lo hi. Pa Sawmpi in “US gam zong min ci tel, taang ci tel teng bek mah a kitung hi” a cih mah bangin, Vangam zong mim ci tel, taang ci tel teng bek a tung ding ahi hi. LST sungah ka sapmi a tama ka telmi a tawm hi ci hi. Hehpihna hangbek hi. Pasian letsong Jesuh hang bek ahi hi.
(December 25, 2020 hunpi sermon a kitom lakkik hi.)

Post a comment

This site uses Akismet to reduce spam. Learn how your comment data is processed.

Print your tickets