fbpx

Thu tuamtuam – Feb 2022

 *A kikhel nuntakna: Hih thulu tawh kizui in thusinna pen Feb 18-20 sung biakinn ah om ding hi. Pawlpi’ makaina hi-in a sia ding pen Dr. Mung, Chicago pan hi ding hi. 19 ni suun pen Zomi Nam Ni pawi kibawl ding ahih manin thusinna om lo ding hi. Nitak kikhop bel om ding hi. Nipi ni pen suun kikhop le nitak kikhop om ding hi. A kuamah peuh hanciamin lawmlegualte zawn ciat ni. 

 

*Zomi Nam Ni: A 74 veina Zomi Nam Ni pawi pen Feb 19, 1pm-5pm kikalin906 College Heights Blvd, Bowling Green, KY 42101 ah nasia takin kibawl ziahziah ding hi. Chief guest pen ZCC Sia Mungpi hi ding hi. EC panmun kiteelna zong om ding hi cih ZIKY facebook ah suaksak hi.

 

*Kawlhun naupang Nipisaang: January 08, 2022 ni in Kawlhun ah Sunday School kipan ta a, zopau leh kawlpau tawh kihilh hi.

Khan nih in kikhen a, a golkhan pen Nu Nuam pi in hilhin, a neu khan te pen Nu Dim Khek in hilh hi.

*Nupite’n parti bawl: January 29, 2022 ni in nupite kilawmtatna nasia takin biakinn ah zangkhawm uh hi. 

*Mrs Biden hong hawh: January 15, 2022 ni in First Lady Jill Biden in December kha sungah I tuah ahi tornado hangin Creekwood veng leh FEMA Recovery Center Greenwood Mall sungah hong pai hi.

 

Lungdampihna

*US gammi suahna hong ngah thak Pa Tual Piangte nupa, le Pa Cinpui’ zi Nu Lam i lungdam pihna i pulak hi. Pa Tualpiang te in lungdam kohna in  Sani thungenteng an hong vak uh hi.

*Pa Khupnote innkuan in Pasian piak tanu Lia Tawinu hong neithak ahih manun lungdampihna i pulak hi. 

*Pa Kam Tuang leh Nu Niang Tawng te’n Pasian piak innthak hong nei uh ahih manin lungdampihna i pulak hi. Amau innkuanin Pasian tung lungdam  kohna in January 2,2022 ni in pawlpi bup an hong vak hi.

Post a comment

This site uses Akismet to reduce spam. Learn how your comment data is processed.

Print your tickets