fbpx

Thu tuamtuam – March 2022

Thu tuamtuam

 

  • February 17-19 dong Dr. Mung in a kikhel nuntakna bulphuh in seminar hong nei a, a gah zong kimu pah hi.
  • February 26, ni zingsangin Women Department te makaihna tawh khusungah a om khanghamte tawh kilawm tatna nei uh hi. Nitak ciangin Sunday School department te makaihna tawh Children Church kinei hi.
  • February 19,2022 ni-in 74 veina Zomi Nam Ni  pen WKU huangsuang ah nasia takin kibawlin ZCC pawlpi kemsia Mungpi in hanthotna pia hi.
  • Sanginnte in muktuam mask thuah nawnloh dingin the Centers for Disease Control and Prevention in phalna pia ta hi.

Lungdampihna

  • Pa Kimte innkuan in tano Tg. Lian Khat Khai hong nei uh ahih manin lungdampihna i pulak hi.

Dahpihna 

  • Pa Pau Lian Khan in February 2,2022 ni-in a zi le a tanu nusia-in Pa Pasian kiang hong zuatsan ahih manin Agape Digest min tawh dahpihna i pulak hi.
  • Feb 5, 2022 ni, Nu Cing Huai ( Nu Huai) pianna nu Nu Ciin Nem in hong nusia ahih manin i dahpihna i pulak hi.
  • Nu Niang Hau Man’ (Nu Hau) pianpih sanggam Rev. Thang Lun Pau, Kum 65 ( NAC pawlpi) in a tenna (Hlegu) Yangon, panin tawntung mun PA kiangah hong ciahsan na hangin Nu Hau leh sanggam a dah a kap khempeuh Kha Siangtho Pasian in honghehnep sak ta hen, pawlpi bup in dahpihna i pulak hi.

 

Digest huhna

  • Pa Mang Kap Go in Agape Digest huhna $20 hong pia kik leuleu ahih manin lungdamna i pulak a, Pa Pasian in a zahtampi hong thuksak kik ta hen.

Phuahphatna

Agape Digest No. 3 na February 2022 hawm, Sia Kap tawh Dotna Dawnna sungah a kikhial pawl khat le a kitelkhial pawl khat om ahih manin Sia kap le laisimte tungah Jesuh min tawh hong thum ung. PP.8 na column 1 na pan

  1. “Palik (ထောက်လှမ်း‌ရေး) te’n” pen “Palikte le thukante’n” cih ahi zong,
  2. “Tahan biakinn cingpa, Rev. Go Za Nang, le Daniel Khen te” pen “Tahan biakinn cingpa kiman khin-in, Rev. Go Za Nang le Daniel Khen te” cih ahi zong,
  3. Jan 15, 1994 pen Jan 5, 1994-in ahi zong,
  4. “I Zogam lampite pen….mehthuk” pen  “Vangteh pan tai 3 tuaksuk, Saizang ah tai 4 kah to, tua pan gun ah tai 4 tuaksuk, tua pan Laitui ah tai 6 kah to, mehthuk” ahi zongin

cih danin na sim kiksak un.

Post a comment

This site uses Akismet to reduce spam. Learn how your comment data is processed.

Print your tickets