fbpx

PAWLPI ONG PIANKHIATNA TANTHU

2015

 ciang dong Bowling Green khua ah pawlpi khat bek om hi mah ta leh , Pasian biak nop dan leh ki makaih dan ki bat loh ciang in Pasian geel na leh lam hon sak  na tawh Mar 21, 2015  in Pa Khawm Pau te inn ah a masa pen meeting  ki nei a, meeting thu kim na tawh ki zui in Mar 29, 2015 kum in Zomi Agape Pawlpi ki pan khia hi. Pawlpi ki pat na ding in Pasian zat inn 8 te hih  a nuai a teng a hi hi.

 

1. Pa  Langh Khen Thang

2. Pa Gin Ngaih Khup

3. Pa Thang Khawm Pauzomi

4. Pa Kham Kap Thang

5. Pa Pu Ta Lu

6. Pa Piang Hau Lian

7. Pa Thang Sial Khup

8. Pa Kam Lian Thang te ahihi. 

Pasian in ZAC thupha pia in Biakpiakna zong nuamsa semsem in piakkhiat na a kipan Topa nasepna ah thahaat semsem uhhi. 

Biak inn kikhop nading kimu naailo ahihman in Upa Khenta te in a inn uh phaltak in ongkawm uha tuamun ah kha-3 sung Biakpiakna kineito hi. 

Tuucing omlo tawh Pawlpi kalsuanzia tampi tak hamsatna om ahihman in Rev Thang Za Kap khasum piakloh in Pasian na seemkhawm ni ci in hopihna kinei a Siapa in zong lawptak in ongsang ahihman in Rev Dr Thang Za Kap in siampi nasem in Sia Sawm Thang huh Sia khasumlalo in ongsem a Zomi Agape Pawlpi ongpicingto semsem hi. 

Pasian in thu um mi te  a mun mun pan ong  puak in, pawlpi mi ki khang to to a  , Pa Khen Ta te inn ah ki ta nawn lo a hih man in, Pa Ngaih Khup te inn ki ngen a, kha 2 sung phal tak in ong zang sak hi. Pasian heh pih na tawh tua lai ah  ki ta nawn lo a hih man in Holiday Inn ah ni pi 2 ki khop ki nei hi. 

Kumsim in Pasian hoihna kimu toto a thu ummi anini in ongbehlap toziahziah ahihman in Biak inn zonloh ongpha mawh a Upa Sial Khup leh Upa Thangpi te in nawhtak ongzongpah uha, Hillview Heights Biak Inn ah deikhat ongngah khia uhhi.

Hih Biak inn sung ah kikhop sungtawntung Pawlpi te in Biak Inn saap piakhat zong onglalo uha akisam bangbang in ongpanpih in Khazih sung ah Innkuan khat banglian in ong en uha, kizopna nuam mahmah hi. Kamsia kamkha bangmah ongpau ngeilo uha, zahtakna leh itna takpi tawh ongpanpih tawngung uhhi. 

Hih Biak inn mun ha kum-2 kiim kihopkhit ciang mipi kitazo nawnlo leuleu ahihman in adang Biak Inn khat zonloh ongphamawh ahihman in Broadway Methodish Pawlpi te biak inn sum tawh kisaapkik a Biak Inn thak neihdong tuamun ah biakpiakna kizomto hi.

 

Topa ompihna tawh kum-5 sung in ZAC Pawlpi Inn-8 pan Inn-90  dong Topa ongtohpih a, mi-17 kituiphum in, Camp-2 vei, Cialpi 3 vei, Seminar 2 vei cihbang in kineito Kum-5 sung in Mission mun-6 ah mi-6 kikhahkhia in, Pawlpi mintawh cimawh huhna tuamtuam akipiak ban ah Topa in kum-5 acin kum in Biak Innthak sitset khat onglamzosak hi. 

Tulai tak in Pawlpi Inn-90 kipha in Pasian nasem Siampi-2 leh Mission-3 tawh Pasian gam ading in nuam kisa semsem hi. 

PAWLPI SUNG KIVAIPUAK ZIA

ZAC

 Pawlpi in Pasian phuhsa pawlpi ahihmah bang in ka Pawlpi Ipawlpi kicilo in Pasian pawlpi kici tangtang a tuamah bang in thuneituam innteek tuam cihbang kuamah omlo Sia te leh Upa ten amau sepding ciat sem uha Mipi in thumangtak leh kilungtuak tak in kizui diamdiam hi. 

Nopna dahna ah Innkuankhat lian bang in kinuampih kidahpih in kithuakkhawm ciat hi. Pawlpi mi ongluut masasa in ongluut khit phet in innteek lungsim neipah a suakta mahmah hi. 

LUNGDAM KOHNA

ZAC Pawlpi kum5 ciangongtonpih a Biak Inn thak ongpia Topa tung ah lungdam iko masa hi. Tua ban ah tuni a ongpai khualpan tualpan ahizong tha ongpia Siate Upa te leh mipi khempeuh tung ah lungdam mahmah ung. Piakkhiatna leh tha lengal tawh mapangkhempeuh Topan ongthukkik ta hen!

Post a comment

This site uses Akismet to reduce spam. Learn how your comment data is processed.

Print your tickets