fbpx

Bang hang in ah lungdam koh na nei ding ih hi hiam? (4/18/2021)

Late 50 (Pasian in Biakpiakna Sangin Gamtatna tawh Thu Khenzaw)

Vanglian, Topa Pasian hong paukhia a,nisuahna le nitumna kikal leitung mi khempeuh a khawm hi.2″Hoih kicinna Zion panin
Pasian hong taangkhia hi.3″ Eite’ Pasian hong pai a,amah dai ommawk lo hi.Ama mai-ah mei husia om a, a kimkotah huihpi om hi.
4A mite tungah thu a khen theih nadingin tunglam vantung le leitung a sam hi. 5“Biakpiakna tawh, kei tungah thuciamna a bawlte,
ka mi citakte ka kiangah hong khawm un,” a ci hi. 6Vantung in ama thumanna gen hi; bang hang hiam cih leh
Pasian mahmah thukhen pa ahi hi.7“Ka mite aw, ngai un;thu ka hong gen ding hi.Israel-te aw, note’ langkhatah teci ka pang ding hi.
Kei pen Pasian ka hi a, nomau’ Pasian ka hi hi.8Na biakpiakna uhah note kong mawhsak kei hi. Na meihal biaknate uh ka mai-ah om ngitnget hi. 9Ahi zongin na inn pan uha bawngtal hitaleh na ganbuk pan uha keeltal hitaleh ka hong sang kei ding hi.
10Bang hang hiam cih leh gamlak ganhingte khempeuh, mual tul tampite tunga a om ganhingte keima-a’ ahi hi.
11Huih lak vasate khempeuh keimah in ka thei a, gamlak a gamta khempeuh keima-a’ ahi hi. 12“Ka gil kial taleh zong note kiang panin
an kong ngen kei ding hi; bang hang hiam cih leh leitung le a sunga om khempeuh keima-a’ ahi hi. 13Bawngtalte’ sa ne ding a,
keelte’ sisan dawn ding ka hi hiam? 14Lungdam biakpiakna Pasian tungah pia unla, Sangpenpa tungah na thuciamnate uh bawl un.
15Haksat hun ciangin keima tungah hong ko un.Note kong honkhia ding a,note in keima min nong thangsak ding uh hi,” a ci hi.
16Ahih hangin migilote tungah Pasian in thu gen a,“Ka thukhamte lawhna ding ka thuciamna na muk uh tawh genna ding thu nei na hi uh hiam? 17Bang hang hiam cih leh hilh ding na ut kei uh a, ka thute na nunglam uhah na paai uh hi. 18Guta khat mu le-uhcin ama lawm na hi pah uh a,a paktat mite tawh na kikhawl uh hi. 19“Na kam uh, siatna na uksak uh a, na leii un khemna a khangsak hi.20Na sanggamte uh langpangin thu na gen uh a, amaute’ mawhna na zong uh hi.21Hihte khempeuh na gamta khin uh a, bangmah ka pau kei hi. Kei pen no tawh a kibangin nong ngaihsunkha uh hi. Ahih hangin tu-in note ka hong taii a, na mawhna uh na mai uhah ka koih hi. 22“Tua ahih ciangin
Pasian a mangngilh mite aw, hih thu ciamteh un. Tua hikeileh note kong balgawp ding hi. Note hong honkhia ding kuamah om lo hi.
23Biakpiak nadingin lungdam piakna hong paipih mi in kei a hong pahtawi ahi hi.Ka thu a mang mite khempeuh ka honkhia ding hi,” a ci hi.

Late 44 (Lungkham Hunin Nidanga Hotkhiatna Phawk)

Pasian aw, ka pu ka pate uh a khan lai-a na hihnasate, amaute in kote tungah hong gen uh a, kote in ka bil uh tawh ka za khin uh hi.
2Nangmah in minam dangte na hawlkhia mang a, ahih hangin amau’ munah ka pu ka pate uh na tengsak hi. Midangte na sugawp a,
ahih hangin amaute na suaktasak hi. 3Bang hang hiam cih leh amaute in namsau tawh leitang ngah lo uh a, amau’ khut in
amaute’ tungah gualzawhna pia lo hi. Na khut taklam le na baan, na hehpihna maipha hizaw hi. Bang hang hiam cih leh amaute tungah nang na lungkim hi. 4Nang pen Jakob a dingin gualzawhna a sehkhol, keima Kumpipa le keima Pasian na hi hi. 5Nangma huhna tawh
ka galte uh ka sawnpai uh a, ko a hong do mite na min suangin ka tuancil uh hi. 6Bang hang hiam cih ka thalpi suanin ka nei kei a,
ka namsau in zong kei hong hon zo lo hi. 7Ahih hangin nangmah in ka galte’ kiang panun kote na hong hon a, ko a hong mudahte
na zahhuai gawpsak khin hi. 8Pasian’ hangin kote ka angtang ngitnget uh a, nangma tungah ka lungdam tawntung ding uh hi.
9Ahih hangin nangmah in kote hong nusia-in, nong minsiasak khin a, ka galkap hon uh tawh na hong kuankhawm kei hi. 10Galte kiang panin kote nong nungkiksak a, ka galte un ka neihsa teng uhbuluah khin uh hi. 11Tuu gawh ding bangin kote na hong bawl a, minam dangte lakah nong thehthang khin hi. 12Na mite a man tawmno khatin na hong zuak a, a man ding na sang nget kei hi. 13Ka vengte uh’ zahko,
ka kiim uha omte’ nuihsat leh thusim lohin kote na hong bawl khin hi. 14Minam dangte lakah a sia lama gentehna, mite lakah ciamnuih-a neihin kote na hong bawl khin hi. 15-16Keimah a hong ko mi le keimah a hong minsiasak mite’ kampauna ahi a, galte le langte in
hong bawlna hang ahi zongin, sunthapai-in ka zahhuai den a, maizumna tawh ka kidim hi. 17Na thuciamna-ah khial lo napi,
nang hong mangngilh lo napi, hih thute khempeuh ko tungah hong tung khin hi. 18-19Ngiate’ omna-ah kote hong balnen gawpin,
khuamialpi sungah nong paihdak ding zahin, ka lungsim uh kihei nai lo a, ka kalsuan uh lampial nai lo hi. 20Ka Pasian uh mangngilh khinin
pasian dang tungah ka khutte uh a khakkhin hi le ung, 21Pasian in hih thu mukhia lo ding ahi hiam? Bang hang hiam cih leh amah in
lungsim thusim a thei hi. 22Nangma hangin sunthapai-in kote hong kithat a, gan gote’ tuu gawh ding bangin kote hong kikoih hi.
23 Topa aw, bang hangin ihmu na hi hiam? Nangmah hong tho tawm in! 24Bang hangin na maitang seel na hi hiam? Bang hangin ka thuakna uh le hong kisukcipnate mangngilh na hi hiam? 25Bang hang hiam cih leilakah ka puk uh a, leivui lakah guallelin ka lum uh hi.
26Tho to in, kote a hong huh dingin hong pai in! Na itna kip hangin kote hong honkhia in!
Pasian thu tawhna nung tak na kip tak in ah ,Pasian it na sung ah kip tak in ah sang in ah ,bel in ah na om tak ciang in,Tua in Pasian kih tak na it na tawh na  ki pat tak ciang in ah a khang khang in TOPA ong ciam teh sa thu pha te lim tak in ah nang leh na bangkua sung ah thupha te ong luang ding bek tham lo in ,no tawh na om na khua pi in thupha ong ngah ding a ,gam in thupha ong ngah ding Topan minthang na ong piak sak ding hi.

Bang hang in ah lungdam koh na nei ding ih hi hiam?

  • Late 50:23
    Biakpiak nadingin lungdam piakna
    hong paipih mi in
    kei a hong pahtawi ahi hi.
    Ka thu a mang mite khempeuh
    ka honkhia ding hi,” a ci hi.
  • Isaiah 60:1-3
    Jerusalem khuapi aw,
    tho-in sun nitaang bang in!
    Topa’ minthanna in
    nangmah hong taanzo hi.
    2Minam dangte
    khuamial in tuamcip ding a,
    ahi zongin nangma tungah
    Topa’ khuavak hong taang ding hi.
    Ama minthanna in
    nang hong ompih ding hi.
    3Nangma khuavak sungah
    minam dangte hong pai ding uh a,
    nangma taankhiatna sungah
    kumpite hong pai ding uh hi.
  • Effsa 2:8 Note’ upna hangin Pasian’ hong hehpihna tawh hotkhiatna a ngah na hi uh hi. Note’ thalawhna hangin a ngah hi loin Pasian’ hong piakkhong ahi hi.
  • Nang tung ah Zeisu ong tuang tak ciang in ah na nuntak na te ong ki lam dang ding a, Pasian hoih na, na mu sem sem ding hi
  • Na nuntak na sung ah na nu leh pa biak na hang in nang leh nang piang thak na ki sak na te ,na ki theih loh na te om lua ding hi tua te ih nuntak na sung ah ki sit tel den ding hi hang
  • Nang leh nang tu lai tak a si hi leh cin zong na kha koi lai tak a pai ding cih na ki tel nai hiam?
  • Topa it na te lungngaih tawntung ding hi teh
  • Mangmuhna 20:14-15 Tua ciangin Sihna le Misite’ Gam, meiphualpi sungah a kilawn hi. Hih meiphualpi pen sihna nihna ahi hi. 15A nungta mite a kigelhna laibu sungah a min a om lo peuhmah meiphualpi sungah kilawn hi.

1.Tho in tang ding hi hang

  • Ih sung ah Zeisu hang in ,ih ngah ih neih khua vak pen ,ei bek kem lo ding hang a ,khua pi in a muh theih na ding in ah,mual sang dawn ah a tang a ki koih mei vak bang in ei te Topa ih  tang na tawh vak sak ding hi hang.
  • Tua tang na sung ah kum pi te mi nam te ong pai ding ci hi
  • Tua ciang in ah Kum pi te mi nam te bek hong pai hi lo lai in ah ,hau na nop na leitung ah suang man pha leh kham te zong ong tuang ding a hih ciang na kong khak pen khak ngei lo ding in,hon sa a koi den ding hi teh, tua hang in ei te nuntak na ah Pasian ta hi ta ih hih ciang leitung ah Zeisu hang in ah ei te a lungdam te ,a gual zo te ,a hang san te ih sung ah om Zeisu a tho kik a vang lian, vang liat na khempeuh a nei Zeisu ih sung ah ong om tak ciang na khempeuh Zeisu hang a hih zo te ih hi ciang ah ih kong khak hong ding a, a mah hoih na ,a mah phat na ,mi lam dang te phat na teng ginat na khempeuh ei bang kua pawlpi ih nuntak na sung ah ong lut a ,Tua ding in kong hong tawntung ding hi hang
  • Tua in koi ci kong hong tawn tung hi hiam cih leh – lungdam na kong( Zeisu ong tat khiat na thu pen ,ei ten ah khah khia ngiat ding ,hong ngiat ding hi hang,kua mah hen cip lo in ah tawhkah cip lo in ah hong ngiat ding hi teh)
  • Matthai 16 (Lim Ngetna)
  • Hih leitung ah na hong khempeuh van ah ki hong ding a ,hih leitung ah na hong loh teng khempeuh van ah zong ki hong lo ding hi.
  • Tuni in ah Tua lungdam na tawh tang ,van tung hong na ding tawh tang pen tuni in nang nei khin,ken nei khin
  • Zeisu gumpa,Topa ih sang theih pen leitung bup a ding in ah ih suh ong si hi a ,Pasian it na ong lak sih hi a bang hang in ei mimal tawm khat bek in tua Zeisu sang theih hi hiam cih leh eite pen tua Pasian khasiangtho mit te ong hong sak ding a nang tung tawm in ah a dang mi nam ten ah tua Zeisu ong theih na ding in khazih gam ki phut thei na ding in ah, tawhtang nang khut sung ah ong pia hi.
  • Tuni in ah tho in tang ding bek tham lo in ah nang khut sung kei khut sung ah ong ki ap taw tang pen hong den ding hi teh
  • Na khut sung ah tawhtang om ei ciang in ah ei te in ah tukum pen lungdam koh theih na ding tawhtang te hong ziah ziah ding hi hang\
  • A nunta pawlpi in ah Mission sep ding hoih pen hi
  • Isaiah 60 (Jerusalem’ Mailam Minthanna)
  • Amah ih vang a ki lak na biakinn nang na hi , na sung pan in ah khua vak tang ciang in ah lungdam na thu tawh, tawhtang te hong in ah van tung ah mi  khamangthang tampi te a ding hong pai theih na ding in ah kong hong sa nang na koih khit tak ciang in ah na nuntak na pen Topan ah nang khat bek na hih hang  tha nem na ki sak hang ,a mah ih thau hong guan in na ong sem bek tham lo in ah nang pen a hih leh Pasian van pen nang tawh om a hih tak ciang in tua mun pen a man ong lam sang to ding hi lai hi.
  • Ih sia te zah tak siam ding hi hang, ki niamkhiat tawntung ding hi teh

Post a comment

This site uses Akismet to reduce spam. Learn how your comment data is processed.

Print your tickets