fbpx

Easter Sunday Thawhkik ni-(4/4/2021)

Matthai 28:1-10

1Sabbath ni khit, Nipi ni zingsang khua hong vak kuan ciangin Magdala khuami Mary le adang Mary, daihawh dingin a va pai uh hi. 2Thakhatin zin nakpitakin hong ling hi. Topa’ vantungmi khat, vantung panin hong paisuk a, han hukna suang a likkhiat khit ciangin a tungah a tu hi. 3Ama mel, khuaphialep tawh kibang a, a puan zong vuk bangin a pak hi. 4Hancingte in kihtalua uh ahih manin lingin a sibup uh hi.5Ahi zongin tua vantungmi in numeite kiangah, “Lau kei un. Singlamteh tungah a kithat Jesuh a zong na hihlam uh ka thei hi. 6Hih lai-ah amah om nawn lo hi. A gensa bangin thokik khinta hi. Hong pai unla, amah a kisialna mun hong en un. 7Tu-in manlang takin va ciah unla, a nungzuite kiangah, ‘Sihna panin Jesuh kithosak khin a, Galilee gam note mai-ah a pai ding hi. Tua lai-ah amah na mu ding uh hi,’ ci-in va gen un. Hih ka hong gen thute hoihtakin ciamteh un,” a ci hi. 8Tua ahih manin numeite zong laukawm, nuamkawmin nungzuite kiangah hih thu a ko dingin a taipah uh hi. 9Jesuh in lampi-ah tua numeite na dawntuahin, “Lungnuam un!” ci-in a na hopih hi. Numeite in zong Jesuh a khe-ah lenin a bia uh hi. 10Tua ciangin Jesuh in amaute kiangah, “Lau kei un. Pai unla, Galilee gamah ka sanggamte a pai nadingin va gen un. Tua lai-ah kei hong mu ding uh hi,” a ci hi.

Ih Topa a thawh kik ni,hun sung ah vantung mi ten a pu lak kammal thu(3) te

1. Lau kei un (Matthai 28:5-8)

  • Leitung ah lau thei na ding tam pi tak om a,ih lau na hun zong ki bang lo a, pawl khat ten si kha, pawl khat ten mai lam a ding lau in,pawl khat ten mi lau in,pawl khat ten palik te lau in  lautheih na ding leitung ah tampi tak om ding in,tua te tung ah tuni in ah ih Topa in lau kei un,no te a ding ken ong sem khin ing,gualzo khin ing ong ci a hi hi.
  • Na nuntak na sung ah innkuan sung ei zong, mailam a ding ei zong lau kei un ong ci tawntung Topa hi.
  • Inn lei ding pawlkhat te bang lei ding ci zel, khawl zel,tua ciang ngaih sun kik zel,mawtaw thak la nuam a hih hang a bang lo khat teng ngaih sun lau zel,lau theih na ding tam pi om hi
  • A hih hang Topan nang mah tung gualzawh na ong pia khin ta hi.
  • A mah gualzawh na pen,ei gualzawh na hi.
  • Tuni in ah na mailam a ding a lau kha hiam ,Topan na lian pi nang a ding sem khin ta hi.
  • Sih na zo a, A tho kik pa, leitung van tung a nei pa ,hui pi te tui gual te a dai sak pa ,ni kha ak si te sing kung lo pa te,khua hun te a mah deih bang ong hei sak diam diam pa nang tawh hong om khawm uh a hi hi.
  • Ih nuntak na sung ah up na tawh,A nunta Pasian en kawm in, kal suan in ih nuntak leh ei te a ding in ,ih mai ah ni sim in ,gualzawh na ong koih sak ih Topa a hi hi.
  • Tuni in Topa na kiang ah ong om lam  nang tawh  ong om khawm lam khak kei leh lau kha mah ni teh ,lung hi mawh kha mah ni teh ,na lungsim zong maitai zo lo mah ding hi teh,a hi zong in ah Topa kei ong om khawm hi.Topa kei tawh ong om khawm hi.
  • Matthai 28:5   Ahi zongin tua vantungmi in numeite kiangah, “Lau kei un. Singlamteh tungah a kithat Jesuh a zong na hihlam uh ka thei hi.
  • Ih Topan lau kei un a cih tak ciang in ah a ong mawk nu siat hi lo in ah ,ei tawh ong om khawm tawntung pa
  • Ih Topan ih om om na ah ei tawh ong om khawm den hi cih phawk tawntung ding hi hang.

2.Topa in nang kei ong thei hi.Nang ong thei pa,kei ong theih pa ih Topa a hi hi

  • Ong theih na tung tawn in ah lau ken ong ci tawntung ih Topa hi.
  • Late 139:1-6
     Topa aw, nangmah in
    kei na hong entel a,
    nong thei khin hi.
    2Nangmah in ka heksukna,
    ka hektohnate na thei hi.
    Nangmah in ka ngaihsutnate
    gamlapi pek panin na thei hi.
    3Nangmah in ka sep laitak ahi a,
    ka khawl laitak ahi zongin na hong mu a,
    ka gamtatna khempeuh
    a vekpi-in na thei hi.
    4 Topa aw, kam khat bek nangawn
    ka paukhiat ma-in,
    nangmah in ka gen dingteng
    a vekpi-in na thei khin hi.
    5Nangmah in ka nung le
    ka mai-ah nong dal a,
    na thahatna tawh kei na hong hu hi.
    6Tua bangin kei nong theihna pen
    kei a dingin lamdang lua mahmah a,
    thuthuk lua ahih manin
    kei’ theihtel zawh ding hi lo hi.
  • Tuni in ah lau ken ong mawk cih hi lo a,nang ong theih ka hih man in,nang ong om pih ka hih man in lau ken ong ci hi.
  • Na nuntak na sung ah, na maban ah sep ding, gel ding ,na vision khempeuh te tu kum tak ciang in tua sem ding ,tu kum tak ciang hih bang sem ding cih gel na tampi tak nei khin ding hi teh,tua te tung ah na gualzawh theih na ding in,tua na sep ding tak ciang in na lung hiang kha thei mah ni teh, a hih hang Topan ong om pih khin ta ,Topa ong nei khin ta a hih man in Topa tawh kalsuan khawm in ah sem in bawl peuh leh cin ,gualzawh na ,matun na a ngah ding nu & pa ih hi hi.
  • Topa ei tawh ong om khawm a hih man in ah lau ken ong ci a hi hi

3.Amah kei hong kem hi

  • Lau ken ong mawk cih lo a, ong kem takpi pa a hih na tuni in ah mu theih hi hang
  • Late 121:1-8
    Keimah in
    mualtung lam ka ento hi.
    Keimah huhna koi lai pan
    hong pai ding ahi hiam?
    2Van le lei a bawl Topa’ kiang panin
    keimah huhna hong pai hi.
    3Amah in ka khe taalsak lo ding a,
    kei hong kem pa lusu lo ding hi.
    4En un, Israel a kem pa lusu lo a,
    zong ihmu lo hi.
    5 Topa in nang hong cing ding a,
    nangmah a hong hu dingin
    na kiangah hong om hi.
    6Sunin ni in nang hong gimsak lo ding a,
    zanin kha in zong
    nang hong sukha lo ding hi.
    7 Topa in siatna khempeuh panin
    nang hong hu ding a,
    amah in a muanhuai-in
    nang hong kem ding hi.
    8 Topa in tua kipan a tawntungin
    na vaksuk na vaktohna-ah
    nang hong kem ding hi.
  • Sun in gim na tuam tuam,Zan in ih muh khak loh, kha gilo te na sep na tuam tuam te in ong nawk nuam ding, a hih hang Topan ong kem a hih man in zingsang khua vak pha te, a hun zui in ah ni khat khit ni khat Topan ong kal suan pih, ong zawh pih in 2020 ong zawh pih in 2021 ah kha 4 na a hi ,Nipi masa ciang bang ong kal suan pih ,ih Topa a hi hi.
  • A bei sa ih nuntak na te ong cing ong kem a,ong makai thupha ong pia Pasian ,ih muh nai loh ih mai ah zong ,a mah nop na ,a mah kiang pan ong pai daih na ,ong kep na ,ong cing na te tawh ni sin ih nuntak na ah tahuan ong la ding pa a hi hi.
  • Tua a hih man in a mah sung ah ih nun tak na te ap in , na nuntak na te pia in ih hih na bang bang Topa sung ah ki ap a lung muang a ih om nak a leh tua thupha khempeuh a ngah ding nu & pa te a hi.

4.Amah tho kik zo hi

  • Matthai 28:6  Hih lai-ah amah om nawn lo hi. A gensa bangin thokik khinta hi. Hong pai unla, amah a kisialna mun hong en un.
  • Amah tho khin ta,ih topa sih na a hi hankhuk sung ah om nawn lo,mi tampi tak in han cing te thugen na hang in um lo in ah tudong in ah hih thawh kik na mi tampi tak in um lo hi.
  • Mi pil pawl khat te in ah thawhkik na tawh ki sai rearch bawl in ah ,Topa ki vuih na mun lei tak te to khia in ah la in mun tuam tuam ah puak in hih leitang ah mi hing tawh ki sai a om hiam ,tua pen pil nei tuamtuam ten ong en uh hi.
  • Mi pil te in Topa ki vuih na mun ah bang mah mu khiat na nei lo a hih man un,Zeisu tho kik zo hi cih ki liang khia hi .
  • Hih lai mun ah ih et ding in ah han cing ten hih thu man a gen ngam loh hang in ah,tu lai tak in ah mi tampi tak in zong ,Zeisu Christ guam pa hon pa a hi na uh um lo uh hi,thu man gen in ah hih in ah Zeisu in a tho kik tak pi hi,zin ong ling in ah han kong te hong ki hong in tua lai tak in ah Pasian van tung mi in a mah pen phawng in pai khiat pih hi ci hi leh ,tu lai tak in ah mi tampi tak in Zeisu christ guam pa leh topa sang ding a,mi tampi in suah tak na ngah ding hi.
  • Han cing ten ah thu man ong gen loh man un ah Tu lai tak in mi tampi mi in ,A kha mit te uh ki hong thei nai lo hi.
  • Ih nuntak na sung ah Thu man gen ding khawng lau lo ding hi hang
  • Pasian kam mal thu man a hih na gen tang tang ding hi hang, Pasian kammal man hi a cih na pen gen tang tang ding hi hang,thu man gen ding Pasian thu ah ana om lo ding ,gen ding pupkhiat na gen theih bang a,na sep na ah na veng na pam ah hi  zong gen ding Zeisu pen Topa hi mah hi ,thawh kik tak pi na te ,ih gen theih bang bang in ih gen ding in nak pi in thu pi hi.
  • Hancing ten thuman ong gen loh man in ,thu tampi tak hell a pai ding a hi hi
  • A hih hang nang tuni a ki pan in ,Zeisu khazih sih na zo a tho kik pa nang leh kei hong tan ding pa,leitung mawh na pua a,sing lam teh tung ah hong ki khai pa ,Si a ni thum khit teh a tho kik a ,a hih na pen en thu man tak in ih gen nak leh nang hang in mi suak tak na ngah ding hi.Tua hi leh vantung ah nang a ding in kham lukhu in nang hong ngak hi.
  • Thu man gen in ih nuntak ding pen nak pi tak in thupi hi.
  • Ih Topa ong thawh kik na pen nang leh kei a ding  zong  a hi hi.
  • Jahan 11:25  Tua ciangin Jesuh in, “Keimah in a sisa mite thosakin a hingsak thei pa ka hi hi. Kei hong um mi peuhmah a sih hangin nungta ding hi.
  • 1 Korin masa 15:55

    Sihna aw, na gualzawhna
    koi-ah om a,
    midangte na suksiat zawh nading
    na thahatna koi-ah omta ahi hiam?”
  • Ei te pen sih na pan a gual zo te a hi hi
  • Tawntung nuntak na Zeisu hang in a ngah te hi hang
  • Zeisu thawh kik na nang mah a ,kei mah a ,a hi hi.

5.Amah na mu ding hi

  • Thu um masa te nak pi tak in hampha hi
  • Mit a muh loh hang hong um te hampha zaw lai hi,
  • Nun zui te hampha mah mah lua bang hang hiam cih leh Ih Topa zeisu in a mah tawh ki thuah khawm ,lum khawm,an ne khawm ,lui dawn khawm,tuni in ah nang leh kei in a mah a mel lian in ih muh loh hang up na tawh a mah tawh ki thuah khawm thei hi hang.
  • Tua hun ciang in ah a mah vang liat na tawh ong tang ding a ,nang leh kei zong amah bang ding ci hi,a mah vang liat na in nang leh kei thu um mi ong tang ding a,ei zong vang nei in a nuntak ding te hi hang,tua ding ni a ngak te a hi hi.
  • Jahan masa 3;1-3     Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasian’ tate hong kici a, hong kicih mah bang ihi takpi hi. Leitung mite in tuhun ciang dong Pasian thei lo uh ahih manin eite zong a hong thei lo uh ahi hi. 2Ka lawm itte aw, eite’ pianzia ding taktak a telin hong kilat nai loh hangin tu-in Pasian’ tate ihi hi. Ahi zongin Khrih hong kilat ciangin ama pianzia ahi bang teekteekin mu ding ihih manin amah i bat nading thu teltakin i thei hi. 3Khrih a siangtho mah bangin amah tawh kibat ding a lamen khempeuh in zong a nuntakna uh siangthosak ding hi.
  • Zeisu khazih thawh kik na hang in ah ih ngah thupha te tampi tak om a

 

 

  1. Lau ken-Tuni in ah leitung ah om  lau ing ci ci nawn lo ding,Zeisu khazih hang in kei pen a gualzo khin ta ka hih man in tuni in ah,Topa hang in ah lung muang ding lau lo ding
  2. Amah tho kik a hih man in ,ni khat ni tak ciang in zong kei zong sih na zo in ah tho kik ding ka———— hi hi.
  3. Ni khat ni tak ciang in ka mit mah mah tawh Topa hoih na ,Topa vang liat na ka mu ding a ,tua vang liat na mah in kei hong tang ding a tua vang liat na zong ,tua amah hoih na zong kei a hi ding hi.

Post a comment

This site uses Akismet to reduce spam. Learn how your comment data is processed.

Print your tickets