fbpx

Hong ki laptoh theih na ding in (5/2/2021)

1Peter masa 5:5-6 Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.6Pasian in ama hoihsak hun ciangin note hong laptoh theih nadingin a thahat Pasian’ khutnuai-ah kiniamkhiatin na om un.

Hong ki laptoh theih na ding in

  • Ni sin ih nuntak na sung ah laptoh na ,a sangzaw tung na,gualzawh na cih te ih lunggulh pi leh ,ih deih pi pen hi a, a hi zong in ah mi khempeuh in ah laptoh na ki ngah lo hi.
  • Ei leh tuni in ah ei thu um mi te ong ki laptoh theih na ding in Pasian tanu/tapa a ki ci mi in ah laptoh na in a sang zaw ih tung theih na ding in ah ih nuntak na sung ah a ki sam khat om a tua in ah bang hiam cih leh ki niamkhiat na a hi hi.
  • Pasian mai ah ki niamkhiat ding haksa lo a ,a hi zong in ah mi hing khat leh khat mai ah ki niamkhait ding pen nakpi tak in ah haksa ki sa hi.
  • A diak in ah ei zomi te ki niamkhiat ding cih lim lim pen , a ki zong ngei lo ,a ki zang thei pha lo te hi a ,hih US khawng ih tung tak teh mi te tawh mi pil pi,siahuan pi te in ong nuih mai in ong hoih ho in khat leh khat ong ho pih ta ciang in ki niamkhiat in ong ho pih uh a,ei a hi leh pen a lian zaw deuh te ei sang ih thu pi sak te khawng ong pai teh ih kam khum in ah ,tua lo te a hih leh kamkhum ki zang thei lo in ah ,lungsim ki niamkhiat na pen ki zang thei lo hi.
  • Ei leh sanggam te tuni in ah mi hing in ah a sang zaw ki tung nuam a tua in ah a key pi pen a hih leh a tawh a hih leh ,a sang zaw ih tung theih na ding in ki niamkhiat a cih in ah gen nuam hi hang
  • Laisiangtho ih sim tak ciang in ah
  • Isaiah 61
    Gimna a thuak mite tungah thuhoih a puak dingin ,Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin
    thong kong a hong ding, 2 Topa in a mite honkhia-in, a galte a guallelhsak ding hun  tunna thu a gen ding, a thum mi khempeuh a hehnem ding,  3amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin
    Zion-ah a om a dah mite a lungdamna ding, a lungkham mite in phatna la a saktheihna ding, a lunggim mite in Pasian a phattheih nadingin amah in kei hong sawlzo hi. 4Amaute in tanglai-a a siasate, lampha kik ding uh a, a kisiamaisate ding kiksak ding uh hi.
    Amaute in khang tampi sung a kisiamaisa khuapite puahkik ding uh hi. 5Gamdang mite in na tuuhonte uh hong kepsak ding a,
    khualmite pen note’ lo kho le leenggui puahte hi ding uh hi. 6Ahih hangin note pen Topa’ siampite hong kici ding a, mihingte in note pen i Pasian’ nasemte, ci-in hong gen ding uh hi. Minamte’ hauhna teng note in na ne ding uh a, amau’ hauhna teng note in
    na kisaktheihpih ding uh hi. 7Note’ maizumna tangin nopsakna a zah nihin na ngah ding uh a, note’ mindaina tangin no’ ngahna sungah na lungdam ding uh hi. Tua ahih ciangin na gam sung uhah a zah nih na luah ding uh hi. Note-a’ pen tawntung lungdamna hi ding hi. 8Bang hang hiam cih leh keimah Topa in thutang deihin, mi’ nate suhna lekhialhna ka mudah hi.Amaute tungah amau’ thaman thuman takin ka pia ding a, tawntung thuciamna amaute tawh ka bawl ding hi. 9Amau’ suanlekhakte pen
    minamte lakah kithei ding a, amau’ tuletate pen mite laizangah kithei ding hi. Amaute pen Topa in thupha a piak mite hi,
    ci-in a mu mi khempeuhte in thei-in sang ding uh hi. 10 Topa’ hangin nakpitakin ka lungdam ding aka Pasian’ hangin
    kipakin ka diang ding hi. Bang hang hiam cih lehzipi pa puanhoih tawh kizemin, mothak nu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.11Bang hang hiam cih leh leitung in a dawn meengsakin, huan in a kituhte a posak mah bangin Topa Pasian in minam khempeuh mai-ah thumanna le phatna a pokhia sak hi.
  • Ih nuntak na sung ah a ki sam pen in ah ki niamkhiat  na pum bang a sil a ,nuntak ding nak pi tak in thupi hi.
  • Peter in ah a lai khak na sung ah ,a mah nuntak na mah mah en hi leh hang a mah pen Pasian in nakpi tak in zang in ah Topa Zeisu in ah van ong sak khit tak ciang in ah a mah tungtawn in khat vei thu gen na hang in mi hing tulthum(3000) piangthak in tua khit tak ciang in ah a mah ih thugen  na tungpan in mi tampi in ah nuntak kik na sih na pan in ah ,mi si te tho ci in na lam dang tampi tak Pasian in a mah tungtawn in ah bawl hi
  • Amah nuntak na sung ah ki niamkhiat na tawh ong nuntak a Pasian ih deih na bang bang in ah a nunta mi khat ,tuni in a mah ih et ciang in ah Pasian in zang mahmah a hi ciang in ah ki sak thei nuam leng lah a ki sak thei lua ding mun khat hi , a hi zong in ah a man ah ki niam khiat ding pen nakpi tak in na zui ah hih ki niamkhiat na pen laptoh na a sang zaw tun theih na a hi hi .
  • Tuni in ah leitung ih et ciang in ah a pil khempeuh a sang tung lo hi,a hau khempeuh zong mi khempeuh in zatak lo hi ,tuni in ah a pil te a hau te tua mi tampi lak ah tua te mi pi in zatak a kua te a sang pen tung ah ,kua te ki lam to hiam ,a siam pen te gualzawh na ngah khin pah lo uh hi,tuni in ah tua a siam pen te lak ah kua ten gualzawh na ngah hiam cih ih et kik tak ciang in ah a ki niamkhiat te hau mah mah na pin ki niamkhiat mi te, min za tak uh hi, pil mah mah na pin ki niamkhiat mi te min tak in thupi sa hi, siam mah mah in siam na nam tuam tuam te a hi zong in a lungsim sung ah ki niamkhiat na a neih nak leh tua in ah a lungsim tawh lam to a ,a ki hih sak mi te kua mah in ah pi muh ngei lo hi.
  • Tua ki niamkhiat na pen pum bang in ah nisim in ,na sil un cin ah Peter in hong gen hi
  • Ih nuntak na sung ah nisim a ih ki sap khat om a tua in ah pum a hi hi, a ki niamkhiat na sung ah nisim ihmut kal na a hi zong in,ih gamtat na ih lu hek na ,sun a zan a pum bang in ih sil ding in ah a thupi mah mah a hi hi.
  • Laisiangtho ih et kik ciang in ah a ki niamkhiat te kua te a hiam cih mi tampi tak om kha in teh ,a hi zong in ah tuni in ah thu lu mi nam (4) te tungtawn in ah en ding hi hang

1. Jospeh 

  • Jospeh pen Pasian in a lungtang thupi sa in ah , it na nei in,ki niamkhiat na nei a , a sanggam te sang in amah pen Pasian in tel zaw in thupha pia zaw hi.
  • A pa mah mah in ah it a hi man in ah, a mah pen a u nau te lak ah ki sak pih ding hi leh ki sak pih thei luat hi , a neu a ki pan in ah Pasian in version pia khin in, amah tung ah a sep ding,a laptoh ding Pasian in lak khin a, a hih hang a mah pen a sanggam te tung ah na ki sak pih lo in no te na suah tak theih na ding un ah,Pasian in kei ong zang a hi hi na ci zaw hi.
  • Piancil 50:19:20 Ahih hangin Josef in amaute kiangah, “Lau kei un. Kei, Pasian’ za-ah om ka hi hiam? 20Note in ahihleh, kei’ tungah a sia dingin na ngaihsun uh hi. Ahih hangin Pasian in tuhuna mah bangin mi tampite a nuntak theihna a pian nadingin a hoih dingin a ngaihsut ahi hi.
  • Egypt gam ah kial pi ong tung ding ,tua bek tham lo in a sanggam a pa a kipan a beh leh a sung te pen gil kial a si ding Pasian in theih khin egypt gam ah mi tampi tak gilkial om ding Pasian in a na sep ding pen a theih sa hi a,Tua mun ah mitampi te in ah suah tak na a ngah theih na ding in a ki niamkhiat hi Jospeh pen mun dang pan in Pasian in sam in ah,a theih ngei loh na gam,Egypt gam sung ah kumpi pa innsung pan in ah tua teng pan in sin na ngah in ah,Tua khit tak ciang thong sung va tung a ,tua khit tak teh Pasian thu pha tawh kumpi innsung ong tung in a lian pen pen kumpi pa nuai ah thu nei pen pa ,gam sung ah hih un ci leh hih uh a,pia un cih leh pia in,pia kei un a cih leh pia lo a mah cih bangbang in a ki sem din mun ah Topan lam to hi.
  • Nang tung ah bang ong ki bawl hiam ? mi khat in ah nang haksat na ding,mi khat in ah nang ih na mai ah hong khak teh a hih zong in tua te khempeuh  it na tawh a kan ton zo ding in amah a it kik thei ding in Topan mimal kim thupha ong pia ta hen!
  • Hih tangtawn pek pan in ah a kiniam khiat na tawh a nunta Jospeh pen Pasian in thupi sa ngat ,lam to ngat ,thupha pia ngat hi.
  • Tua mah bang in tuni in ei te zong ih nuntak  na sung ah ih u ,ih nau a ding in ih beh ih phung a ding in,pawlpi a ding in khazih gam a ding kiniam khiat na lungsim tawh ih nuntak  a leh Topan hih sang a sang zaw ah hih sang in na din mun a sang zaw ah ,hih sang in a thupi na mun ah Topan ong koih ding a hi hi.
  • Paunak 11:12
    Simmawhna tawh
    midang hopihna pen haina hi a,
    mipilte pau loin om dide hi.
  • Tuni in ah mi hing khat leh khat mai ah ki niamkhiat a ih kam pau na te na ngawng ah ih ngaihsut na ,na ngawng ah ki niam khiat zawh na ding pen nak pi tak in thupi hi.
  • Tuni in ah ei thu um mi te khat pen Pasian mai ah a ki niam khiat ding pen nak pi tak in thupi hi,ih gamtat na pan ih kampau na ah kiniam khiat na tawh nisim ih nuntak ciat ding nak pi tak in thupi hi.
  • Luka 14:11 Bang hang hiam cih leh a kiliansakte khempeuh in niamkhiatna thuak ding uh a, a kiniamkhiatte khempeuh a lianin kibawl ding hi,” a ci hi.
  • Pasian thupha pen a niam mi te tung ah tung hi,ei zong lungsim kiniam khiat te tung ah Pasian thupha tung thei bek hi
  • Tui pen a sang na lam ah kah to thei lo hi set in ah a sawn kei nak a leh a mah ih a pai khiat na tak pen a luang suk ding mah a hi hi,tuni in ah khasiangtho ih ong om pih na ,ei kei leh Pasian ong piak ding thupha te ih ngah theih na ding in Pasian mai ah ki niamkhiat a bek tham lo in ih laisiangtho sim na sung ah a gen mah bang in ah no te khat leh ci a hih man in mi te tung ah kiniam khiat a ih nuntak leh Pasian ih ompih na a thupha a maipha te,nang leh kei nuntak na sung ah ong tung thei pan ding hi.

2.Paul 

  • Filippi 3:3-7 Bang hang hiam cih leh eite in Kha Siangtho’ hong huhna tawh Pasian bia-in, Jesuh Khrih tawh i kipawl manin lungdamin, a tung lama kilang vun-atna limte muanin nei lo ihih manin, amaute hi loin, eite pen vun-atna man taktak a zang mite ihi zaw hi. 4Kei mahmah zong, tua bang nate muantheih ding a nei pa ka hi hi. A puatham a ciaptehna muantheih ding nei ing, a ci a om leh, ke’n ka limneih zaw lai hi. 5Ka suahzawh a ni giat ni-in ka vun a ki-at hi. Kei pen Hebru minam citak ka hi a, Israel mite sung panin Benjamin’ suante ka hi hi. Jew Thukham zuihna tawh kisai-in Farisi mi pawl ka hi a, 6nak hahkatlua kisa-in pawlpite nangawn ka bawlsia hi. Thukham zuihna tawh midik kitang ding hileh paubaanna mahmah ka nei kei hi. 7Ahi zongin hamphatna-in ka neih theih ding tua bangte khempeuh, Khrih hangin supngam dingin ka ngaihsun hi. 
  • Min ah ki sak pih ding a nei leh kei zong ki sakpih ding ka nei hi,pil na a cih leh zong amah mi pil pi hi a,Tua hun lai tak in ah Paul pen gam mi nam nih a nei pa hi,A ut ut na gam ah lut thei pa Kumpi nam zong a hi ,siam pi nam zong a hi pa hi,a hih hang in ah amah in ah Zeisu khazih ong neih khit tak ciang Zeisu khazih tawh ong ki muh khit tak ciang in ah tua na khempeuh pen aman ah bang mah ka mu kei hi ci lel hi.
  • A hih man in tuni in ah ci leh sa tuam tuam ih neih ih lam te khawng te ei zong in ah,ih pil ih siam na te khawng ei zong tua te pen ki sak thei pih luat ding a hih loh lam Zeisu khephung ah kiniam khiat a nunta a ih hih ding pen amah ah ong gen mah mah hi.
  • Paul pen bang hang Pasian zong ei hiam cih leh a mah pen thupha pia hi ,laisiang tho a tam zaw pen amah at vive hi.
  • Paul Zeisu tawh ong ki muh khit tak ciang in ah ki niamkhiat in, itna nei a, mite vei na nei in ong nunta a hih man in Khasiangtho in ah a mah tung tawn in ah laisiangtho Pasian kammal tampi tak ong at a hi hi.
  • Rom 12:3 Pasian in kei tungah hehpihna hong piakkhongna hangin note tungah kong gennop thu in: Note tawh a kituakzah valin kilian ngaihsutzaw kha kei un. Pasian in note tungah upna hong piakzah tawh kizui-in kingaihsun bek zaw unla, a kilawm ciang khat bekin kingaihsun un.
  • Ki liat sak na leh ki hih sak na te pen Topan deih lo hi.
  • Topa mai ah kiniam khiat ah amah tung ah lungdam koh tawntung ding hi zaw hi.
  • Tuni in ah leitung ah ih nop sak na ding Pasian in van tung ah nop sak theih na ding in Zeisu khazih tawh ong lei khin ta,leitung ah ei te khang to in a sang zaw ih tung theih na ding in ah ,Pasian in ong deih a tua a sang zaw ih tung thei na ding ah ki niam khiat na pum bang a nisim a sil ding pen nakpi tak in ah a thupi leh lawp toh na a key(tawh pi) hi.
  • Kolose 3:12 Pasian in note hong itin, hong teelin, ama mi siangthote hikhin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

3.Ih mai ah ih et lian ding pen Topa Zeisu hi

  • Filippi 2:3-11  Huaihamna lungsim le kisialh nopna lungsim tawh bangmah gamta kei un. Kiniamkhiat ciat unla, midangte thupi ngaihsutzaw un.4.Note’ phattuam nading bek ngaihsun kei unla, midangte’ phattuam nading ngaihsutsak zaw un. 5Note in Jesuh Khrih lungsim puakzia na nei un. Tua lungsim puak zia in: 6Jesuh Khrih in Pasian’ pianzia nei napi-in, Pasian tawh a kizakim theihna dingin thatanghat thu a suang kei hi. 7Amah kiniamkhiat tawm zaw a, nasem lim a hong puazaw hi. Mihing bangin amah
    hong kibawl a, mihing teekteek mah a hong sun hi. 8Amah hong kiniamkhiat tawm a, singlamteh tung nangawnah sih ding a ut hi.
    9Hih thu hangin Pasian in a lianpenin amah koih a, min lian dang khempeuh sangin a min lianzaw-in a koih hi. 10Tua ahih manin vantung, leitung, leinuai-a om mi khempeuh in Jesuh pahtawi-in khukdin ding uh a, 11Jesuh Khrih in Topa ahi hi, ci-in taangko-in
    Pa Pasian a min thangsak ding uh hi.
  • Tuni in kiniam khiat na, nakpi tak in thupi hi.
  • Tuni in ah ei phattuam na ding bek ngaih sun lo ding,ang sung bek thei lo ding.
  • Amah pen Pa Pasian mai ah ong ki niamkhiat ngat hi.
  • ih hih theih na te pen a ki liat sak luat leh tua dan lungsim pen satan lungsim hi
  • Tuni in ah Zeisu khazih in bang ci hiam ci leh Huaihamna lungsim ,kisialh nopna lungsim tawh bangmah gamta kei un,tua bang lungsim ong lut khak leh hen khia ding ,tua bang na neih leh gam ta lo ding cih nop na ah sem lo ah lel ding tua pen Pasian in deih kiniam khiat ciat un la ,mi dang te thupi ngaihsut zaw un.

4.Dr. Sa Sa kiniam khiat na leh Pasian lam to hi

  • Pasian in a niam mun pan a sang zaw mun ah lam sang hi.
  • Tuni in ah nang zong Topan ong zang thei lua hi.
  • Na ki niamkhiat na in mai lam a ding tampi tak ong gulh zawh pih ding hi.
  • Ei te pen Pasian mai ah ki  niamkhiat na tawh om tawntung ding hi hang.
  • It na ki nei in Pasian mai ah ki niam khiat tawntung ding hi hang.

 

 

 

 

 

Post a comment

This site uses Akismet to reduce spam. Learn how your comment data is processed.

Print your tickets