fbpx

Ka Pasian Khut Vanglian hi (6/6/2021)

Late 89: 13 Nangma vang lian mahmah a, na thahatna kigen thei lo hi.

         “Ka Pasian khut vanglian hi”

*Tuni in amah gen nop thu bul pi pen in ah thuman tak a Pasian pom a ,Pasian khut nuai ah ,a ki ap mi te a ding in ah Pasian khut vanglian in tha hat hi a ci hi.

*Tuni in ah Pasian ki muang in ah ,Pasian ih bel a Topan hih ciang ong kal suan pih in thupha ong pia hi ,inn hoih ,lo hoih te, mawtaw hoih te ong pia ,nek lehdawn ding ki cing in ong pia a,tua sung mah in ih sang thupha te ki mangngilh thei zel in Topa tung lungdam ih koh ding phawk kha lo thei zel a,Topa ih biak inn ah pai a ,amah min ih pah tawi ding ciang in khat vei vei teh haksa ki sa thei mawk hi.

*Tuni in ah na sep hoih ih ngah na pen Topa hang a hi hi, na pil man,na thahat man sa kha ken

*Tuni in ah sum leh pai zat ding ki cing in Topan ong piak na te pen nang ih hat man in ,na tha lawh hi zen zen lo a ,Topa kiang pan a ong pai thupha te a hi hi. a hih man in tuni in ah ih nuntak na sung ah number khat ah Pasian mah koih in ,tuni in ah amah mah bel tin ten ding hi hang cih gen nuam hi hang.

Pasian in thupha ong piak a hih ciang in khat vei vei tak teh ,tua Pasian pen ki mangngilh kha thei zel a hih man in,tuni in ah ih lungsim te khat vei ki sian suah in,ki niamkhiat tawh Topa bel ni cih in gen nuam hi hang.

1.Ka Pasian khut in ong lamto zo ding in thahat hi

  • Isaiah 48:13
    Ka khut in leitung bulpi koih a,
    ka khut taklam in vantungte zal hi.
    Amaute ka sap ciangin
    amaute omkhawm pah uh hi.
  • Tuni in ah Leitung leh vantung te ih et ciang Pasian bawl sa hi a, hih a bawl khut bang zah tak in vanglian ,bang zah tak in lamdang ,a hun hun in ah amau te ki khen sak ,ki khawm sak tua Topa hi a ,Tuni nang na nuntak na sung ah na ki et ciang in ah tha nem na ki thei hun in leitung na te en ken la ,Topa en to in
  • Joseph in ah thawng inn sung leh gawm pi sung leh a kim a pam a et ciang in ah ,kha mial vi ve tawh ki dim a ,a hi zong in ,a tung lam ong et ciang in Topa ong mu a  tuni in ah lap toh na pen Topa a hi na ci hi.
  • Tuni in ah nang pen ong lam to ding Pasian khut vanglian hi a ,tua khut na muang lai teng tuni in ah a gual zo ding , a lawh cing ding te ih hi hi.
  • Isaiah 40:26
    A sangna lam ento unla mu un.
    Kua in hihte piangsak ahi hiam?
    Amau’ honpite khat khatin piangsakin,
    a lian ama thahatna tawh
    amaute khempeuh
    a minun a sampa ahi hi.
    Vangliatna-ah thahat ahih manin
    khat beek pelem lo hi.
  • Tuni in ah Pasian in nang leh kei ong mang ngilh ngei lo hi.
  • Ih dam loh ciang ,innkuan sung ah buai na khat ong tung ciang Topa kei ong mangngilh na hiam ki ci thei hi, Topa kei ong tai san na hiam ki ci kha thei hi, a hih hang cik mah hun in Topan nang mang ngilh ngei lo hi.
  • En Topa ih mang ngilh thei zel hi,bang hun teh mangngilh ih hiam cih leh ,nop ih sak ciang,na sep hoih ngah in ah ih bank sung ah kal khat in $800 khawn $1200 khawn ong lut teh biak inn pai ding sang shopping pai ding ki ut zaw hi,biakinn pai ding sang mun dang ah pai ding , ih lungsim in zo zaw hi ,Topa ki mang ngilh kha thei hi ,a hih hang Topan nang leh kei cik mah in ong mang ngilh ngei lo hi.na min in ong thei pa a hi hi,ong sam den pa a hi hi.Tuni in Topan ong sap na aw pen ih zak thei na ding in nisim in ,a mah hun pia a,amah ih ho pih ding zong a lunggulh pa a hi hi .
  • Tuni in ah ong lamto ding Pasian khut vanglian hi ,nang leh kei ong lamto ding Pasian khut vanglian in tha hat a muan huai hi,tuni in ah tua pasian khut na muang hiam, ei kei leh na nei sa sum leh pai te na muang zaw hiam,na pil na muang hiam,na mel hoih in na tha hat na te na muang kha hiam ,tua te tawh bang ciang tung ding cih na ngaih sut  kha hiam tua te pen a bei thei pak hi a , a hi zong in a bei ngei lo Pasian khut nang leh kei ong lamto ding in tha hat a hi hi.
  • Topan nang tung pan in zong amah muang ding leh it ding ong deih hi.
  • Tuni in ah innsung pan in ah khan lawh na te kipan khia ding hi hang
  • Nisim in ih ta te tawh Topa tawh hun la khawm in den ding hi hang
  • Topan a mah a muang mi te bek thupha pia hi
  • Tuni in ah innkuan sung pan in na lamdang a sem thei hih zawh sawm ding hi hiam

2.Pasian khut in ih bop na ding in muan huai hi

  • Ih thei loh kal in ah nat na tuam tuam te ong piang in hih leitung ah, a hih zong in ah hih leitung pen khua mial vanglian pa ih uk na hi a ,tuni in ah ei te pen kha vak ta te ih hih man in Pasian khut sung ah bop na bawl ding hi hang
  • Pil na sung bop na ki cing om lo hi,hau na sung ah bop na ki cing om lo hi
  • Pasian khut sung bek ah bop na ki cing tak tak om muan huai om hi
  • Late 139:7
    Nangmah a pelh dingin koi-ah pai ding a,
    nangma omna panin koi lai-ah
    taikhia ding ka hi hiam?
  • Late 20:6-7
    Topa in a sathau nilh pa
    a huh ding tu-in ka thei ta a,
    ama vantung siangtho panin
    amah dawng ding a,
    a vangliatna tawh
    amah gualzosak ding hi.
    7Mi pawlkhat in leengte kihihsakpih
    a, mi pawlkhat in sakolte
    kihihsakpih hi.
    Ahih hangin eite in Topa i Pasian’ min bek
    i kihihsakpih hi
  • Tuni ih Topa amah a muan mi te a ding in muanhuai tak tak hi
  • Pasian in hih leitung ah tawm vei sung ih nuntak na sung ah , ih gual lel hun om kha mah in teh a hih hang a gualh lel a hi den ding in Topan nang leh kei ong bawl hi lo hi.
  • Gual lel na tawh zan hun zang kha ni teh a hih zong in zing khavang pen gualzawh na tawh ong zang sak ding ,ih Topa hi.
  • Khua mial sung ah ih kal suan lai tak in Topa kei ong tai san a hi hiam ci kha ding hi hang ,a hi zong in na mai ah khua vak in gual zawh na lap toh na in mun muanhuai Pasian khut in ong ngak cih tel ding hi hang
  • Tua a hih man in tuni in ah Tua Topa khut pen vanglian in amah min siang tho a suang mi te ,amah min siangtho a bel mi te in ah mun muan huai sung ah a om mi a hi hi.tua Topa sung ah a om kim tek ding in ong hawm sawn hi ing.

3.Lungkham hun leh ih lau na mun ah Pasian khut in hong mangngilh ngei lo hi

  • Mary leh martha te a u pan nu sia ,lungkham in ah ,dah in a om lai tak in Topan mangngilh lo a ,ki leh kik in ah a u pa nuntak na pia kik hi.
  • Nun zui te tui tung ah hong pai in hatsat na tuak in si ding in ah a ki thawi lai tak in Topa hong hon o ci a,Topa ko te si nun ei ci lungkham in a om lai tak un ah, Topa zeisu in amau te pai san lo in tui gual leh hui pi te dai sak hi.
  • Paul leh thawng kia te ki puak in tua mun ah hak sat na ong tuak in lungkham tak in a om lai tak un ,Paul in tuni in ah a muan a belh ,Topa nusia lo a hih man in,tua Topa tua haksat na sung pan in ah amau te hon khia in tui nawl tung pih hi.
  • Isaiah 49:15-16
    Ahih hangin Topa in,
    “Ama sung panin a suak a tapa
    a hehpih lo ding zahin nupi khat in
    ama nawi a teep naungek
    mangngilh thei ding ahi hiam?
    Hihte nangawn in
    mangngilhkha thei ding a,
    ahi zongin keimah in
    kong mangngilh kei ding hi.
    16Jerusalem aw,
    ka khutpeek sungah
    nang kong gelh khinzo a,
    nang ka hong mangngilh ngei kei ding hi.
  • Tuni in TOpa mangngilh lo nu or pa hi teh cih na ki phawk hamtang den in
  • Tha nem ki sa kha en,na mai ah mabing ki sa kha ken nang bek a om in ki tuat kha ken,Topan ong mangngilh ngei lo hi
  • A tha hat a vanglian Pasian khut pen nang tawh hong om tawntung a hi hi.
  • Jerusalem a cih tak ciang in ah Pasian mi te a gen na hi a, tuni in ah Pasian mi a hi ,nang leh kei Topan a khut pek tung ah ong gelh khin ta hi. ka it ka ta nu ka ta pa tuni in ah nang kong mang ngilh ngei kei hi cih in a khut pek tung ah Topan ong gelh khin ta hi.
  • Isaiah 41:13-16
    Bang hang hiam cih leh
    keimah Topa na Pasian in
    na khut taklam ka len hi.
    “Lau kei in, nangmah kong huh ding hi,”
    nang tungah a hong ci pa
    keimah ka hi hi.
    14Lungno bang ahi lel Jakob,
    no Israel mite aw, lau kei un!
    Note kong huh ding hi, Topa in ci hi.
    Note hong honpa pen
    Israel-te’ Siangtho Pa ahi hi.
    15Note pen, a thak, a hiam,
    ha a nei buhcilna bangin
    ka hong bawl ding hi.
    Note in mual liante cilin
    na suvui ding uh a,
    mual neute pen
    ansi bangin na gawizan ding uh hi.
    16Amaute na haih ding uh a,
    huih in amaute mutkhia ding a,
    huihpi in amaute thehthang ding hi.
    Tua ciangin Topa’ hangin
    na lungdam ding uh a,
    Israel-te’ Siangtho Pa’ hangin
    na minthang ding uh hi.
  • Tuni in Topan om pih na ,Topa ong makai na,Topa ih belh na sung ah gual zawh na ki cing ,Topan innkuan sung ah ong pia ding a,tua hang in ei ten ah a nunta Pasian mi te tung ah a minthang sak ,a ki lang khia sak a mah hoih na a pu lak tanu tapa thuum mi te hi ding hi.

4. Thupha hong pia zo ding in Pasian khut vanglian hi

  • Tuni in ah ih thu nget na pen laisiangtho ih sim tak teh tua thu nget na pen ,Pasian in pia hi ci hi.
  • Ih thunget na Topa ong piak theih na ding in ,Pasian a muang tinten ding ki sam hi.
  • Zabet in ah bang hang a sanggam te sang in pah tak huai zaw ,pah tak na ngah zaw Pasian a munta Johovah na muang hi
  • Tuni in ah ei te a ding hong ki pia Zeisu nang leh kei a ding ong thuak sak Zeisu,nang leh kei a ding sing lam teh tung ah ong ki khai ih Topa Zeisu muan huai hi, nuntak na bek ong pia hi lo,hih leitung mah mah zong ong lawh cing sak ,ong gual zo sak ding ,thupha hong pia nuam a ong lamto nuam Pasian a hi hi.
  • Zabet in ah amah mi muh na pan in ,a mah pen tagah hi in teh a nu mah mah in zong a mah pen gimpih lua a hih man in ah ,zabet ci in min na phuak hi,a hih hang tua khempeuh a ki lum let thei na ding in thu pha lam ah ong pai thei na ding in ,gual zawh na lam ah ong ngah thei na ding in Johovah Pasian a nunta Pasian ong bel mawk hi.
  • Tua a hih man in a thu nget na tawh ,thu pha na pia in ,a gam na kek sak in ,gam lian pi na pia in , beh leh phum tampi pia in na om pih in ah siat na khat peuh peuh in a gim sak loh na ding in Topan kem hi.A thunget na pen Topa pia hi cih hi
  • Isaiah 60:1-3
    Jerusalem khuapi aw,
    tho-in sun nitaang bang in!
    Topa’ minthanna in
    nangmah hong taanzo hi.
    2Minam dangte
    khuamial in tuamcip ding a,
    ahi zongin nangma tungah
    Topa’ khuavak hong taang ding hi.
    Ama minthanna in
    nang hong ompih ding hi.
    3Nangma khuavak sungah
    minam dangte hong pai ding uh a,
    nangma taankhiatna sungah
    kumpite hong pai ding uh hi.
  • Ih om om na ah vang ding hi hang,mi te a ding in a et teh tak cing ih hih nang in vang ding hi hang
  • Kha vak bang in ah ka Pasian min a thang sak ka hih nang in ka ki kem ding hi cih thei ding in nang leh kei nuntak na Topan ong kem ngiat ta hen.
  • Tuni in ah Pasian ih muang na pen mi muh na ah ,muan na hi lo a ,mi om loh na ah muan na hi.
  • Ih mel theih te om na ah Pasian muang kei a om kei na hih pah lo a ,kua mah theih loh na mun ah na om na in ah ,Pasian na muan na hong ki lang sak ding hi.
  • Ih om om na ah mi te et teh tak ding leh khua vak bang a ,a tang tawntung ding in mi mal kim Topan thupha ong pia ta hen
  • Ih na sem na khat peuh peuh ah kha vak bang in a tang ding leh,tua hi peuh leh Topa min thang na in ei te hong tuam ding hi,ih za hong khang ding ,vang liat na Topan ong pia ding.
  • Tuni in ah Pasian bel in ah amah khut nuai ah ki niam khiat tak a nunta a ,khua vak bang in ah a tang ding in Topan hong deih hi.
  • Ih om ciang ciang sung ah khua vak ih tang theih na ding in ah kal khat suan ding hi hang.
  • Paunak 18:10
    Topa’ min pen
    tausang muanhuai tawh kibang a,
    thuman mite in belin
    lungmuangin om thei uh hi.
  • Tuni in ah Topa khut in nang leh kei a ding in ki cing hi, muan huai hi, hong lamto ding in Pasian khut thahat hi.

Post a comment

This site uses Akismet to reduce spam. Learn how your comment data is processed.

Print your tickets