fbpx

NiSuh Nipi 3/28/2021

Laisiangtho Lungdam na gospel (4) sung ah ki gel gai hi Nisuh ni tawh ki sai

1.Matthai  21:1-11

1Jerusalem khuanai, Bethfage khua a omna Oliv Mual a tun uh ciangin Jesuh in a nungzuite nih ma sawl a, 2“Mai-a a om khua-ah va pai un. Na tun uh ciangin la nuta khau a kikhih na mu ding uh hi. Hong sut unla hong kai un. 3Mi khatpeuh in hong paupih leh, ‘Topa in deih hi,’ ci le-uhcin hong paisak pah ding hi,” ci-in a vaikhak hi. 4Hih thu pen kamsangpa’ thugenna a tun nadingin a piang ahi hi. 5Tua a genna-ah,
“En un, na kumpipa uh hong pai hi.Kiniamkhiatna tawh lapi tung le lano tungah tuangin hong pai hi,ci-in Zion khuamite kiangah
gen un,” a ci hi.
6Nungzui tegel zong Jesuh sawl bangin va pai uh hi. 7Amaute in a la nuta hong paipih uh a, a tungah a puante uh a phah khit uh ciangin Jesuh a tuang hi. 8Mihon tampite in ama pai nading lampi-ah a puante uh na phah uh a, adangte in nisuh hiangte satin lampi-ah a na phah uh hi. 9A mai-a pai mihonte le a nunga zui mihonte awng uh a, “David’ suan Jesuh in phatna ngah ta hen! Topa’ min tawh hong pai pa in thupha ngah ta hen! A sangpena om Pasian in phatna ngah ta hen!” a ci uh hi. 10Jerusalem khuasung a tun uh ciangin khuasung mi khempeuh gamlum henhan uh a, “Hih pa kua ahi hiam?” ci-in khatlekhat a kidong uh hi. 11Mihonpite in, “Galilee gam Nazareth khua pana kamsang Jesuh hi,” ci-in a dawng uh hi.

2.Marka 11:1-11

1Jerusalem khuanai, Bethfage le Bethany khuaneute a omna Oliv Mual a tun uh ciangin Jesuh in a nungzuite nih ma sawl a, 2“Mai-a om khua-ah va pai un. Khua na tun phetun, kuamah a tuan ngei nai lohna lano khat khau a kikhih na mu ding uh hi. Hong sut unla hong kai un. 3Mi khatpeuh in, ‘Bang hangin tua la khau sut na hi uh hiam?’ hong cih leh, ‘Topa in deih hi; hih lai mahah kong kaikikpah ding uh hi,’ ci-in gen un,” a ci hi.
4Amau tegel zong paipah uh a, kongzing a kong gei khatah lano a kikhih khat mu uh ahih manin a khau a sutpah uh hi. 5Tua kiima om mite in, “Bang hangin tua lano khau sut na hi uh hiam?” ci-in a dot uh ciangin, 6Jesuh’ vaikhak thuteng gen uh a, bangmah cih nawn lo uh hi. 7Jesuh kiangah a lano tunpih uh a, a lano tungah a puan uh phahin a tungah Jesuh a tuang hi. 8Mi tampite in ama pai nading lampi-ah a puan uh na phah uh a, mi pawlkhat in lolai panin a sat uh sawlpangte na phah uh hi. 9Jesuh’ mai-a a pai mite le a nunga a zui mite in, “Pasian phat un! Topa’ tangin a hong pai mipa, Pasian in thupha pia ta hen! 10A hong tung ding i pu David’ ukna, Pasian in thupha pia ta hen! Pasian phat un!” ci-in a awng uh hi.
11Tua bangin Jerusalem khua sungah Jesuh lut a, biakinn sungah pai-in na khempeuh a en kawikawi hi. Tua ciangin ni niam khinta ahih manin sawm le nihte tawh Bethany khua-ah a pai hi.

3.Luka 19:28-40

28Jesuh in hih thuteng a genkhit ciangin amah masa-in Jerusalem khua manawhin a paisuak hi. 29Oliv Mual tunga a om Bethfage le Bethany khuanai a tun ciangin a nungzuite nih masawlin 30amaute kiangah, “Mai-a om khua-ah va pai un. A khuasung na lut uh ciangin kuamah a tuan ngei nai lohna lano khat khau a kikhih na mu ding uh hi. A khau sut unla, hih lai-ah hong kai un. 31Mi khatpeuh in, ‘Bang hangin sut na hi uh hiam?’ hong cih leh, ‘Topa in deih hi,’ ci-in dawng un,” ci-in a vaikhak hi. 32Amau tegel zong paipah uh a, Jesuh’ gen bang teekteek mahin a na om hi. 33A la khau a sut laitakun la neite in, “Bang hangin sut na hi uh hiam?” ci-in a dot ciangin, 34“Topa in deih hi,” ci-in a dawng uh hi.
35Amaute in Jesuh kiangah a la paipih uh a, a lano tungah a puan uh phahin Jesuh a tuangsak uh hi. 36La tungah tuangin Jesuh a pai laitakin a lampi tungah mite in a puante uh na phah uh hi. 37Jerusalem khua a tunkuan, Oliv Muala lam suktuah a kipatna panin Jesuh’ nung a zui mihonpite khempeuh in amau muhsa nalamdang liante hangin, nakpitakin a gingin Pasian’ tungah lungdamna ko-in amah phat ding kipan uh a, 38“Pasian in Topa’ tangin a hong pai kumpipa, thupha pia tahen. Vantungah nopna om hen la, Pasian’ min thang ta hen,” ci-in a awng uh hi. 39Tua ciangin mihon lak panin Farisi mi pawlkhat in Jesuh kiangah, “Sia aw, hih bangin a awng na nung hong zuite kham in,” a cih ciangin 40Jesuh in, “Ke’n kong cihin-ah, hih mite in hong phat loin khawl ta le-uh zong, hih lamdung a suangte in phatin awng veve ding uh hi,” ci-in a dawng hi

4.Jahan 12:12-19

12A zing ciangin Paisan Pawi a siim mihonpite in Jerusalem khua-ah Jesuh hong pai nading thu a za uh hi. 13Tua ahih manin amah a dawn dingin Jerusalem panin mihonpi paikhia-in nisuh hiangte tawikawmin, “Pasian phat un! Pasian in Topa’ min tawh hong pai pa thupha pia ta hen! Pasian in Israel Kumpipa thupha pia ta hen!” ci-in a kiko uh hi. 14-15Lai Siangtho sungah,
“Zion khua mite aw, lau kei un.
En un, na kumpipa uh hong pai a,
lano tungah hong tuang hi,”
ci-in a kigelh mah bangin Jesuh in lano khat mu ahih manin tua lano tungah a tuang hi. 16Tua hun laitakin a nungzuite in hih thu a khiatna thei lo uh hi. Ahi zongin Pasian’ pianzia nei-in Jesuh a thawhkik khit ciangin Lai Siangtho in amah a gen ahihna le ama a dingin hih bangin a piang ahihna thu a nungphawk uh hi.
17Jesuh in han sung panin Lazaras samin, sihna panin a thawhsakkik a mu mihonte in tua thu mah gen belin a nei uh hi. 18Jesuh in tua bang nalamdang lian a bawlna thu mihonte in za khin uh ahih manin amah a dawn dingin a pai uh hi. 19Tua ciangin Farisi mite khatlekhat kiho uh a, “Bangmah i cihzo het kei hi. En un, mi khempeuh in amah a zui khinta uh ahi hi,” a kici uh hi.
  • Zekhariah 9:9

Zion mite aw,nakpitakin lungdam un.Jerusalem mite aw,lungdamin awng un.
En un, na kumpipa uh hong pai hi.Amah, gualzawhna tawh hong pai hi.
Ahi zongin kiniamkhiatna tawh hong pai a,sin nai loh lano tungah hong tuang hi.
  • Tuni in ah Topa Zeisu gual zawh na tak tawh Jerusalem khua ah ong lut na hi,
  • A mi pih israel mi te in pah tawi in, David suan Ta pa in,min than na ngah ta hen ,Pasian min tawh ong pai Pan thupha ngah ta hen. Zeisu ki pah tawi ngei ngai in ah, A puan te uh suah khia in lam pi ah phah in nisuh hiang te sat tan in ah, Topa Zeisu pai thei na lam pi ah phah in ah Topa Zeisu pen nak pi tak in ah pah tawi ngeingai uh hi.
  • Hih thu pen ong tung ding mai kal ah Good friday  ni (5) ni zan ong tung tak ciang in ah, Zeisu in mawhna nei lo pi,amah leh amah ,a gal te khut sung ah, a nung tak na ki ap a, Zan thapai gim thuak  na mun ong tung ma ,kal khat a ki sap lai tak ah,Topa Zeisu Jerusalem khua ah gual zawh na tawh ong lut na mun hi.
  • Hih mun san tak ah ih tel ding in ah, khat vei vei ih nung tak na te sung ah, Zeisu mah mah zong, amah ong it, amah ong pah tawi Israel te mah in, ka thei kei uh hi, hih pa that un amah hang in ah, mawh na khempeuh ko te tung ah ong tung hen ci a , amawh sak kik te kua hiam ci leh a mi pi te mah hi.
  • Tua mah bang in ah khat vei vei ong pah tawi lua pian te leh, khat vei vei phat hawi te zong ih nungtak na te ah, ong gen sia pen ,ong lang pan pen zong hi kha thei ding, a hih man in  ah ,tuni in ah Zeisu bang in ah a lungsim sung ah,bang zah ta in ah na a sa zen tam cih khat phawk kha ding hi hang
  • Tua a hih man in tuni in ah Zeisu zong nak pi tak gual zawh na leh  ki pak tak tawh a lut na mun sung ah Zeisu ong pai na te en kik ding hi hang.

1.Bang in ah nang ong hen or  khih a hi hiam? Matthai 21:2

  • Leitung nop sak na te in ong khih kha hiam?
  • Leitung sum leh pai te in ong khih kha hiam?
  • Innkuan sung nu leh pa ki kal ah sung ah, ki lem loh na hang in ah khau in ong khih kha hiam?
  • Nu leh pa leh tate ki kal ah bang lungkham hatsat sat na khau in ong khih kha hiam?
  • Bang nat na, sat na in ong khih kha hiam?
  • Na vai hak sat na in ong khih kha hiam?
  • Tuni in ah Topa Zeisu in hong sut un la ,ka kiang ah ong pai pih un a ci pa hi.
  • Tuni in tua gual zawh na Palms Sunday Nisuh Nipi in ah tua ong khih khau khempeuh pan in ah Topan suah tak na ong pia nuam hi.
  • Topa Zeisu in nipi siang tho sung ah,suah tak na dawi mang pa hen cip na  pan in ah, suah tak na phel khiat na ong pia nuam pa hi.
  • Na haksat na khempeuh te Zeisu kiang ong zuan in, aman ong la khiat sak nuam hi.
  • Leitung hat sat na ten nang ong hen kha hiam,innkuan sung ki lem loh na tuamtuam tawh ong hen kha hiam,bang in ong hen kha hiam?
  • Zeisu in ong phel khia nuam hi, na hamsat na khempeuh te tunh ah

2.Topa in Deih hi .Matthai 21:3

  • Pasian in ih nuntak na te ong zang a , a minthan na ding ,a gam zai na ding,Topan ong zang nuam hi.
  • Ih neih sa tawh Topan thupha ong pia a , amah a ding in ah, zang kik nuam a Topan ong deih hi.
  • Ih ki ap zawh lai tak Pasian in ah sathau ong nilh in ,ong zang in ,mi te a ding thupha ong hi sak lai tak in ah,ei lam pan in ah ih ki phal tang tang ding nakpi tak in thupi hi.
  • Bang hang Topan ong zang suak lo hiam cih leh ,ih sung ah kiphat sak na, ki liat sak na, kei cih lungsim ong om tak ciang in ah, Topan in ah ong zat ding zah ong zang thei lo na hi zaw hi.
  • Luka 5:1-15  sung ah Topa Zeisu in ah Peter tung  ngasa tampi  a mat sak na thu ki mu hi.
  • Topa in Peter tung ah sawl hi hih mihon pi te tung ah lungdam na thu gen pih na ding in ,na gunkung ong zang sak in ci hi.
  • Zeisu in gunkung pen mawk nget het lo in,a ki sap na thu gen hi,ngen phot in  lungdam thu te tang ko na ding in,Peter gunkung sung ah,Lungdam thu te a gen hi.
  • Topan  deih ong cih nak a leh sup na ding peuh mah hi lo a,met na ding,pung na ding,khan na ding hi zaw hi.
  • Mi hing khuak tawh ih ngaihsut ciang in ah, mi pia leng nei lo ding ,kem ding in ah khawl leng nei ding, mi hing ngaihsut na hi, a hih hang in Pasian zia pen  pia kha leng ong beh lap ding na hi zaw hi.
  • Piak khiat na pen Pasian in deih hi, na piak khiat na in thupha na sang na hi zaw ding hi .
  • Lam khat pan gen ding hi leng,1. nang a ngah ut na hia, 2.a pia khia ut zaw na hiam?
  • Mihing lam pan pen ngah ding ki ut pha deuh hi hang,hamphat na peuh ngah ding ki ut tek , a tak tak in ngaih sun kik leh hang .a ngah te sang in a pia khia te mah ci thei zaw mawk hi.
  • Topan ong nget leh pen, sup na ding, kiam na ding ,bei na ding peuh mah a, ong ngen a, ong deih hi zaw lo a. pung sem sem na ding ,khan sem sem na ding in ah Topan ong ngen hi zaw hi.
  • Ih nung tak na te sung ah pen topan tung ngen un,Topan  ong deih hun om thei hi,Ih piak zawh leh,Topan ong pung sak nuam  lua hi.
  • Ih it a leh ih kepkep a leh bang ci ding ,Topan ong lak sak zaw ding hi.
  • Ih nung tak na te sung ah pen Topan kei bang ding in ong deih a hi hiam?
  • Ka hun te ong ngen a hi hiam?
  • Ka neih sa sum leh pai  ong ngen a hi hiam?
  • Ong piak sa tate tawh Topan ah a min than na ding in ah ong ngen a hi hiam?
  • Bang a hi hiam? Topa ong deih a hi hiam?
  • Jahan 6:11      Jesuh in anlum la-in Pasian tungah lungdamna a kohkhit ciangin mihon a tute lakah a hawm hi. Tua mah bangin ngasa zong hih a, mi khempeuh in a duh zahzah uh a ne ciat uh hi.
  • Topan deih hi ,cih ong kal nak a leh pia khia zaw in,sup na hi lo hi, a man ong pung sak nuam hi,ong beh lap sak to to nuam hi zaw hi.

3.Zeisu ki tuang sak ni . Matthai 21:7 Luka 19:30

  • Mipi ten ah Zeisu pah tawi in ah ,Zeisu pai na ding lampi ah puan te phah in nisuh hiang te sat tan in,Zeisu pah tawi ngei ngai na pin Zeisu in ah mipi te phah puan te nisuh hiang te tung ah sik peuh mah lo a,lapi ta lano tung ah tuang in Zeisu ong pai in,Mi ten Zeisu bek mu uh a, a hih hang puan phah a tung ah a pai pen la no na hi hi.
  • Tua lano pen Luka sung ah ih et tak ciang in ah kua mah tuang ngei nai lo,sin na a nei ngei na loh, lapi ta lano hi.
  • Tuang theih gahing limlim pen sin loh in, ih tuang tak ciang in ah ,ki sing khia gawp,ki pek gawp uh hi,ut vet lo uh hi, ahi hang Zeisu in a tuang tak ciang in ah lem lel hi.
  • Innkuan sung ah ih lep loh na om leh Zeisu tuang sak ni,ong lem lel ding hi.
  • Na khat peuh peuh na sep na te tung tawn in, kua mah in ong theih pih loh hang in ah,Pasian in nang ong mu gige hi.
  • Min ten na sep na bawl na te ong muh loh hang in Topan ong mu gai hi.
  • Ih nuntak na te sung ah ih pawlpi sung ah pawlpi khan toh theih na ding in ah,Zeisu mah ki makai sak ni,Zeisu mah ki tuang sak ni. Amah ong tuang nak a leh, Topan ah a minthan na ding in ong zang ding a,lam ong khial pih ngei lo ding hi,sep ding leh sep loh ding,gen ding leh gen loh ding ,khen tat theih na,thu man thu tak na mun ah, Topan ah tuni in ong kal suan pih ding hi.
  • Zeisu ih  ki tuang sak nak a leh Topan ah,a lamdang pi a tak in ong sem in ah ,lano kua mah tuang nai loh lano hi na pin,ki pek se lo a, zong ki tom se lo a,tuang hit hiat a,A pai a hit hiat mah bang in, ih nuntak na te sung ah zong lau lo  ding hi hang ,a hoih tak a Zeisu mah ki makai sak ding hi hang.
  • Matthai 8:23-27  Gunkuang tungah Jesuh a tuan ciangin a nungzuite in zong a zui uh hi. 24Thakhat thu-in huihpi hong nung ahih manin tuihualte in gunkuang tum dekdek a, ahi zongin Jesuh a ihmu hi. 25Nungzuite in Jesuh va phong uh a, “Topa aw, ka si dektak uh hi; hong hon in,” a va ci uh hi. 26Jesuh in, “Bang hangin tuaci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi. 27A nungzuite in lamdangsa mahmah uh a, “Huihpi le tuihualte nangawn in ama thu mang ahih manin hih mipa a bangci mi hi ding ahi hiam?” a ci uh hi.
  • Zeisu ong tuang nak a leh lungkham na tuipi,dah na kah na te  Topan ong dai sak ding hi.
  • Ih ki sap pi pen Zeisu ei te tawh ong tuang khawm ding mah thupi pen hi.
  • Lungdam koh kum a hih mah bang in lungdam koh koh loh ngal ,leiba dang nei lo hi hang, pawlkhat Citizen gawng,pawlkhat ten innthak neita lungdam ko ding hi hang,pawlkhat ten tanu tapa ong tawi in lungdam ko ding hi hang,mai lam ah thupha tam pi sang to to lai ding,ong pia pa tung ah ih mangngilh lo ding hi hang
  • Ong piak thupha tawh ih buai ding pen lauhuai zaw hi.
  • Ih innkuan sung ah, pawlpi sung ah,ih nuntak na sung ah ,ih na sep na sung ah Zeisu tuang sak ni.
  • Ei te in ah Pasian minthan theih na ding a,A makai ,a lampi Zeisu a tuang theih na ding nuntak na hi hang.
  • Pawlpi sung ah,innkuan sung ah Zeisu tuang sak ni, lapi ta lano tung Zeisu a tuang ciang in sin nai loh lano hi na pin,ki pek se lo a,leh gawp se lo a,Zeisu a tuang ciang in a lem mah bang in Zeisu tuang sak ni.Na khempeuh tung ah ong lem lei ding hi.

4.Gual zawh na nungtak na Topan ong deih hi.

  • A gual zo ding ah Topan leitung ong deih hi.
  • kua ten in ah gual zo a hi hiam?
  • A gualzo te kua te a hi hiam cih ih et tak ciang in ah- Zeisu a nei te leitung ah a gualzo pen te a hi hi.
  • Mi hat pen te a tawntung in gualzo zo lo hi. ih kumte ong tam in, ih tha te ong kiam in, khangno a hat zaw khat ong om to tak ciang in tua nu& tua pa ong gualzo ve ve hi.
  • Sum hau pen te zong,hau den tuan lo uh hi.
  • Leitung ah a gualzo tak tak mi kim sung ah en leng om kim lo hi.
  • A hih hang laisiangtho in ah Zeisu topa a nei mi pen leitung na te tung a gualzo te hi.
  • A gualzo tawntung ding ih ut nak a leh Zeisu Topa a nei te pen a gual zo te a hi hi.
  • Nisuh hiang cih a deih na in (Peace) ki lem na a cih nop na hi.
  • Leitung khan khat sung ah Topan a gualzo ding in ong deih hi

Post a comment

This site uses Akismet to reduce spam. Learn how your comment data is processed.

Print your tickets