fbpx

Nu te lo tawh mihing pen man nei thei lo hi(5/9/2021)

  • Na nuntak na sung ah nat na,sat na teng khempeuh na dam nop leh Thungen in ki ap tawntung in
  • Khan tom na ,zawng na,pil loh na te khempeuh tuni in ah Topan ong lak khiat khin zo hi.
  • Ih kam pau hoih lo te in na tampi ong su sia sak zo hi,kam pau te ah ki dawn ding.
  • Nun tak na leh , sih na te na kamsung ah om hi ci hi.
  • Na kam ih gawh na ne ding hi, na gen bang bang ong piang to ding hi cih up na nei tawntung ding.
  • Pasian vang liat na cih pen Laisiangtho sim,thu ngen na lung ngaih bek hi lo a,mi gen siat ding ih bil ,ih zak ding man lang lo ding
  • Ih kam pau khat thu ih gen ding kei tawh ki sai lo te gen se lo ding.

1.Zeisu ong pai ding pen nu te mah a om kei leh a piang lo hi

  • Matthai 1
    Abraham’ suan David, David’ suan Jesuh Khrih’ khang ciaptehna hih bang ahi hi.
    2Abraham ta Isaac, Isaac ta Jakob, Jakob ta Judah, le a sanggamte ahi uh hi. 3Judah ta Perez le Zerah hi a, Tamar tawh a neih a ta ahi uh hi. Perez ta Hezron, Hezron ta Ram, 4Ram ta Amminadab, Amminadab ta Nahshon, Nahshon ta Salmon, 5Salmon ta Boaz, Rahab tawh a neih a ta ahi hi. Boaz ta Obed, Ruth tawh a neih a ta ahi hi. Obed ta Jessi, 6Jessi ta kumpi David ahi hi.
    David ta Solomon, Uriah’ zi Bathsheba tawh a neih pen ahi hi. 7Solomon ta Rehoboam, Rehoboam ta Abijah, Abijah ta Asa, 8Asa ta Jehoshafat, Jehoshafat ta Joram, Joram ta Uzziah, 9Uzziah ta Jotham, Jotham ta Ahaz, Ahaz ta Hezekiah, 10Hezekiah ta Manasseh, Manasseh ta Amon, Amon ta Josiah, 11Josiah ta Jekhoniah le a sanggamte hi a, Babylon gamah Israel mite salin a kipaipih hun pawlin a suak ahi uh hi.
    12Jekhoniah ta Shealtiel, Shealtiel ta Zerubbabel, 13Zerubbabel ta Abiud, Abiud ta Eliakim, Eliakim ta Azor, 14Azor ta Zadok, Zadok ta Akhim, Akhim ta Eliud, 15Eliud ta Eleazer, Eleazer ta Matthan, Matthan ta Jakob, 16Jakob ta Josef hi a, Josef pen Khrih a kici Jesuh’ nu Mary’ pasal ahi hi.
    17Hih bang ahih manin Abraham panin David ciang dong khang sawm le li pha a, David panin Babylon gamah salin a kipaikhiatpih dong khang sawm le li mah pha a, Babylon gamah salin a kipaikhiatpih a kipanin Khrih a suah hun ciang dong khang sawm le li mah a pha hi.
    Jesuh Khrih A Suahna Thu
    (Luk 2:1-7)
    18Jesuh Khrih a hong suahna zia hih bang ahi hi. Mary pen Josef a dingin zuthawl piaksa hi a, ahi zongin a kiten taktak ma-un Kha Siangtho in amah a gaisakna thu Mary in a thei hi. 19A lawmpa Josef pen a manin a gamta nuam mi khat ahih manin a lawmnu maizumsak nuam lo a, kuama theih lohin maksim dingin a ngaihsun hi. 20Ahi zongin hih bangin thu a ngaihsut laitakin a mang sungah Topa’ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah tenpih ngamlah kei in. 21Amah in tapa khat hong nei ding a, tua tapa in ama mite a mawhna uh panin honkhia ding ahih manin ama min dingin Jesuh na phuak ding hi,” ci-in thu a gen hi. 22Topa in kamsangpa tungtawnin a gensa thu a tun theih nadingin hih thute a piang ahi hi. Tua a genna-ah,
    23“Nungak khat gai-in
    tapa khat nei ding a,
    ama min dingin
    Emmanuel kiphuak ding hi,”
    ci hi. Emmanuel a khiatna in, eite tawh Pasian hong omkhawm hi, a cihna ahi hi. 24Josef zong a khanlawh ciangin Topa’ vantungmi’ sawl bangin a zi a la hi. 25Ahi zongin tua tapa a suah hun dongin a zi luppih lo a, a suah ciangin a min dingin Jesuh a phuak hi.
  • Piancil 12
    Topa in Abram kiangah, “Na gam, na beh, le na pa’ inn panin nang kong lah ding gamah pai in. 2Thupha a ngah dingin minam lian khatin nang hong bawlin, thupha hong pia-in, na min kong liansak ding hi. 3Nang thupha hong piate thupha ka pia ding a, nang hong samsiate ka samsia ding hi. Nang’ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.
    4Tua ciangin Topa’ gensa bangin Abram pai a, Lot in zong a zui hi. Haran panin a paikhiatin Abram kum sawmsagih le nga a pha hi. 5Abram in ama zi Sarai, a sanggampa’ tapa Lot, amau’ kaihkhopsa neihsa khempeuh, le Haran-a amau’ neih sila khempeuh samin, Kanaan gamah a pai dingin amaute ding khia uh a, tua gam a tung uh hi. 6Abram in tua gam sung nawkin Shekhem mun, Moreh tawsaw phung dong a tung hi. Tua hunin tua lai-ah Kanaan mite teng lai hi. 7Tua ciangin Abram’ tungah Topa kilang a, “Na suanlekhakte tungah hih leitang ka pia ding hi,” a ci hi. Tua ahih ciangin amah in ama tunga kilang Topa a dingin biakna tau khat a bawl hi. 8Tua ciangin Bethel panin nisuahna lam mualah amah kin kikin a puanbuk lam a, nitumna lamah Bethel, nisuahna lamah Ai om hi. Tua lai munah zong amah in Topa a dingin biakna tau khat bawl a, Topa’ tungah thu a ngen hi. 9Abram in a khualzin zom lai a, Negeb gam lam manawhin a pai lai hi.
    Egypt-ah Abram
    10Kanaan gam sungah kialpi tung hi. Tua kialpi nasia ahih manin tawlkhat sung a om dingin Egypt-ah Abram a paisuk hi. 11Egypt gam a tum ding ciangin amah in a zi Sarai’ kiangah, “Nang pen nupi melhoih khat na hihna ka thei hi. 12Egypt mite in nang hong muh ciangin amaute in, ‘Hih nu ama zi hi,’ ci ding uh hi. Tua ciangin amaute in kei hong that ding uh a, ahi zongin amaute in nang hong nungtasak ding uh hi. 13Nang pen ka sanggamnu ci lehang, nangma hangin kei a dingin thu hong hoihzaw ding a, nangma hangin ka suakta thei kha ding hi,” a ci hi. 14Egypt gam sungah Abram a tun ciangin Egypt mite in tua nupi a mel hoihsa mahmah uh hi. 15Faro’ uliante in amah a muh uh ciangin Faro’ kiangah amah phat uh hi. Faro’ inn sungah tua nupi kila hi. 16Tua nu’ hangin amah in Abram limbawl mahmah hi. Amah in tuu, bawngtal, latal, pasal nasem, numei nasem, lanu, le kalaohte a pia hi.
    17Ahih hangin Topa in Abram’ zi Sarai’ huhau-in Faro le a innkuanpihte gimna lianpi thuaksak hi. 18Tua ahih ciangin Faro in Abram samin, “Bang hangin hih bangin kei hong bawl na hi hiam? Amah na zi ahihna bang hangin kei kiangah hong gen lo na hi hiam? 19Ka zi dingin amah ka lak theih nadingin, ‘Amah ka sanggamnu hi,’ bang hangin hong ci na hi hiam? Tu-in hih lai-ah na zi om hi. Amah la in la pai un,” a ci hi. 20Faro in amah tawh kisai-in a mite tungah thu a pia hi. Amaute in a zi le ama neih khempeuh tawh lampi-ah a khakhia uh hi.
  • Abram tung ah thupi ong suak sak ning ,mi thupi ,mi nampi kong suak sak ding hi ci hi
  • A  hih hang a zi pen gai thei lo,ta nei thei lo ,ta cing kei lo ,a koi cih minam pi suak thei mawk ding cih ngaihsut hak mah mah hi.
  • A hi zong in Abram tung tawn in ah kamciam ong tung khin a sarah  a nau bu pen ,kum tampi khit ciang in Pasian in hong sak hi.Tua pan in ah suan leh khak hong ki pan hi.
  • Bang hang Pasian in hih Abram pen na tel tuam in,a mau teng pen gam khat ding na cih se se hiam cih leh Topa zeisu ih gumpa, ih honpa ih Pasian pen mihing  bang a ong piang theih na ding ,a lampi sik sawm a hih man in ah  numei ta cing khat pen ,a naubu ong hon sak a tua pan in Topa Zeisu khang sung ong ki pan hi
  • Tua man in Nu te pa lo a mihing piang thei lo,Pa te pa lo a lah mihing piang thei lo ,hih na pin Topa Zeisu ciang a pen pa te pa lo a mihing piang Topa Zeisu bek om hi.
  • Luka 2:51 Tua ahih ciangin a nu le a pa zui-in Nazareth khua-ah ciahkik a, amaute’ thu mangin tua lai-ah hoihtakin a om hi. A nu in hih thu khempeuh a lungsim sungah ngaihsunsun hi.(His mother treasured all these things in her heart)
  • Ta te pen ih nau pai sung in thupha pia pia in,gel na tampi tak tawh khan toh pih ding hi hang
  • Nu te in ta te uk na leh deih na pen tel pen leh  deih sak pen hi.
  • Ih ta te neu lai a om zia leh uk zia pen lai tawh ciam teh in hun khat teh a phawk sak ding hi hang
  • Nau pang te pen ei deih na bang bang a hih sak hi lo in, a mau uk na ah thu nget na tawh panpih ding hi hang
  • Nau pang te pen hamsiat na kam pau pen hoih lo hi.
  • Gen ding,hilh ding hoih tak gen pih ding hi teh naupang te
  • Ih nuntak na sung ah a ki sik kik leh mawh na nei lo a ,a nunta ih hih nang hanciam ding hi hang
  • Nu te in a ta te kem in,lam man ah ong pan tat hi.
  • Mary in a naupai lai pek pek in a thuak ding haksat na khempeuh pen tel lua hi.
  • Mary in kua hiam cih a naupai pen thei khawl hi.
  • Nu te in Khasiangtho lo tawh  nau pang te ki pan ta zo lo ding hi hang.Thunget na lo tawh pantat zo lo ding hi hang
  • Ih innkuan pen khasiangtho lo tawh bang mah piang lo ding hi.
  • Topa Zeisu (DNA) test na ah a si san pen mihing khat piang theih na ding pen,Topa a pen numei sisan 23% bang ki ciamteh hi
  • Tuni in ah Pasian in na lam dang bawl ei te ong tat khiat na ding , a mah mihing bang ong pai na ah numei sisan teng ong zang in ,amah in lim tak in ah mihing bang in ong piang, tua a hih man in ah a kem a NU Mary pen zong thupha a ngah a hih mah bang  ,a hi zong in a tapa Zeisu Khazih pen Pasian hi a,Mary tawh ki kim vet lo a hi zong in Mary pen thupi hi.Zeisu pen Mary in thupi sak hi ,a mah nuntak na ah thupi sak hi.Khasiangtho pen Mary in thupi sak hi,Pa ih kamciam pen Mary in thupi sak hi,tua a hih leh mary thupi ih sak leh bang thupi hiam ci leh?
  • Mary in thupi a sak Pasian,Pata pa,Khasiangtho pen thupi hi cih Pasian kammal pen thupi hi cih pen ih lak theih ding leh Nu te lak ah ih et teh pen pen ding hih Mary gui pan in ah tuni in ah ong gen nuam hi ing.

 

Post a comment

This site uses Akismet to reduce spam. Learn how your comment data is processed.

Print your tickets