fbpx

Pasian in thukham bang ding in hong pia hiam? (6/13/2021)

1.Pasian in thukham bang ding in hong pia hiam?

  • Rom 3:20 Thukham in mihingte a mawhna kilangsak thei bek ahih manin thukham zuihna hangin kuamah in Pasian tawh kipawl theihna ngah zo lo hi.
  • Bang hang hiam na cih uh leh thukham tawh mawh na ki langh a hih ciang in thukham a zuihna tawh Pasian mai ah kua mah in dik ki sak na a ngah kei ding hi.

2.Thukham pen limlangh tawh ki bang 

  • Thukham pen DAT-MAAN tawh ki bang

3.Thukham pen bawnglawng tawh ki bang 

  • Thukham pen bawng lawng tawh ki bang hi.Bawng te a om na, a lawng in hong lah hi, Tua mah bang in Zeisu a om na,Thukham in hong lah hi,I bawng te,i muh khit ciang in a lawng, a ki sap nonlo mah bang in zeisu i muh khit ciang in thukham pen gupngah na ding in ki sam nawn lo hi,lai siang tho in a nuai a bang in hong hilh hi.
  • Galati 3:24-25 Tua hi a, i upna hangin Pasian tawh kipawl theihna i ngahna dingin Khrih a hong pai hun ciang dong, Thukham in eite a hong uk ahi hi. 25Tu-in ahihleh upna hun hita ahih manin Thukham in eite hong uk thei nawn lo hi.
  • Eite in upna tawh dikkisak na i ngah na ding in thukham in eite khazih kiang ah hong kha in eite hong cingpa a hi hi,Tu in a hih leh upna thu hong tung a hih ciang in (Zeisu hong pai ta a hih ciang in) tua hong cing khutnuai ah i om nawn kei hi.
  • Galati 3:23 Tua ahih manin upna thu hong tunma hun sungteng, upna thu a kilahkhiat ding ngakna-in Thukham in eite a hong hencip phot ahi hi.
  • Upna thu hong tun maa-in (Zeisu hong pai maa in) eite in thukham nuai ah ukna thuak in i om a,a nung ciang in a ki langh ding upna(Zeisu) lamen in ki khum cip na thuak in i om hi.

4.Facebook pan pawl khat thu te

  • Thukham na sep pen hong khia ding hilo a, i mawh na hong kawk in hotkhiatna ki sam i hih lam,a hong theisak ding bek a hi hi.
  • Thukham in Zeisu kiang hong kha a,Zeisu in vangam dong ah hong kha hi.
  • Pasian in cihmah hun in thukham zuih na tawh gupna hawm ngeilo hi.
  • Gupna i ngah na ding in tangtawng a kipan lampi khatbek om a,tua in SI SAN lampi a hi hi. (Adam- Moses)
  • Thukham zuihna hang a gupna kingah himawk leh gamtatna hong suak ding a, gup na pen thalawh theih hong hi ding hi.           (Syamah lunhuai -SDA Syamah)
  • Pu lengtong Kam Khen- Zeisu kiang Direct in na pai leh gupna a khonkong in hong pia ding a, buddist kiang leh SDA te kiang na pai lebelh,zuih ding thukham tampi hong kalh ding a,vangam na tung zo kei ding hi.
  • Rev.Thang Za Kap- Leitung thukham pen ei ku tai in zuih kul a,Vantung thukham pen Zeisu in eite tang in hong zuih sak khin hi.
  • Rev.Thang Za Kap-America gammi suah na ding pen,ei i hahkat kul a,Vantung gam mi suah na ding pen Zeisu i hong hahkat sak na hang bek a hi hi.(Korin nihna 5:21 Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi)
  • Pasian in mawh na a nei lo khazih,eite tangding mawh na a suak sak hi,Bang hang hiam na cih uh leh eite in tua mi (Tua Zeisu) hang in Pasian dikna i ngah theih na ding a hi hi.
  • Rev.Thang Za Kap – Thukham pen zat na ding mun ah zat ding hi bek a,zat na ding a hi lo mun ah (gupngah nang mun ah )na zat khak leh Gu suak hi.
  • Galati 3:10-11  Hih thu tawh kisai-in Lai Siangtho in, “Thukham laibu sunga kigelh khempeuh a vekpi-in a zuikhin tawntung lote in Pasian’ samsiatna thuak hi,” ci ahih manin Thukham a suangte pen samsiatna a ngah mite ahi uh hi.
  • Galati 3:1-4 Galati mihaite aw, singlamteh tungah Jesuh Khrih a sihna thu teltakin na theihsa uh ahih manin kua’ khemsa-in hici thei mawk na hi uh hiam? 2Thukham na zuihna hangun Pasian’ Kha Siangtho ngah na hi uh hiam, ahih kei leh lungdamna thu za-in na upna hang uh hizaw ahi hiam? 3Pasian’ Kha Siangtho tawh na patkhit uh ciangin nomau’ thatanghat thu tawh khup a sawm ding zahin hici hai lawmlawm na hi uh hiam? 4A beisa huna na tuahsa uh thute khempeuh a mawkna suakkhin zen ding ahi hiam? Tawmkhat beek phattuamna hong pia thei tei dingin ka um hi. 

5.Thukham om lo hi leh 

  • Rom 5:13 Thukham a om mapekin leitungah mawhna na omkhin a, thukham a om lohna munah Pasian in mawhna a ciaptehna laibu nei lo hi.
  • Thukham a om maa in leitung ah mawh na a om khin zo hi, A hih hang in thukham om lo hi leh mawhna a om hi cih na ding a om kei hi.
  • Rom 7:7 Tua ahihleh Thukham mahmah pen a siahuai ahi hiam? A sia hi lo hi. Mawhna bang hiam cih Thukham in hong theitel sak hi. Thukham in, “Hazatna lungsim nei kei in,” ci-in gen lo hileh, haza i cih bang ahi hiam, ci-in ka thei kei ding hi.
  • Tua bang a hi leh bang i cih gen ding hiam? Thukham in mawh na hi i ci ding hiam? Tua bang in zen zen lo hi,A hi zong in thukham bek hang in mawh na lungsim ka thei hi,bang hang hiam na cih uh leh huaiham na lungsim nei kei in thukham in ci kei leh huaiham na lungsim ken ka thei kei ding hi.

6.Zuih zawh lo thukham pan na suak ta uh hi

  • Galati 3:13 Lai Siangtho in, “Sing tungah a kikhai mi peuhmah Pasian’ samsiat mi ahi hi,” na ci ahih manin eite a dingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi.
  • Singkhuam tung ah ki khai na a thuakmi khempeuh Pasian sam siat mi a hi hi ci a hih man ei te a ding in khazih in samsiat na a thuakman in Thukham zuihlah na hang in samsiat na pan eitea hong tankhia zo hi.
  • Sawltak 13:39 Tua tham loin Jesuh a um mite khempeuh pen Moses Thukham in a suahtaksak zawh loh mawhna khempeuh panin a suakta ahihna thu na theih ding uh ahi hi.

7.Facebook pan pawl khat kam mal hoih te

  • Zeisu in thukham khut nuai mite phel in pawlpi pawlkhat te in thukham khut nuai ah hen hen uh hi.
  • Galati 4:4-5 Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.
  • A hi zong in a hun a cin ciang in eite khempeuh Pasian tate i suah theih na ding in thukham nuai ah a om mite, a hong tankhia ding in Pasian in a tapa hong paisak hi, Mi pawlkhat in Zeisu sep sa teng seplo suah kik uh hi.

8.Khazih sihna in a mawk na a hi hi

  • Galati 2:21 Hih bang ka gen ciangin Pasian’ hehpihna thupha ka deih lohna ahi kei a, Thukham zuihzawhna hangin Pasian tawh kipawl theihna om hileh, singlamteh tungah Khrih sihna a mawkna hi lel ding hi, a cinuam ka hizaw hi.
  • Pasian hong hehpih na thupha ka pampaih kei hi,bang hang hiam cih leh thukham zuihna tawh dikkisak na kingah hi leh khazih sihna in a mawk na a suak ding hi.
  • Song Chris Thang- Sya Piang Khaw lian -Dalsan
  • Galati 5:4 Thukham zuihna hangin Pasian tawh kipawl theih nading a hanciamte pen Khrih tawh a kikhen na hi uh a, Pasian’ hehpihna in note hong huam thei lo hi.
  • Galati 2:16 Ahi zongin Jesuh Khrih upna hang bek tawh Pasian tawh kipawl theihna kingahin, Thukham zuihna hang tawh kingah ngei lo hi, ci-in ka thei uh hi. Kote mahmah in zong, Khrih hangin Pasian tawh ka kipawl theih nadingun Jesuh Khrih ka um uh a, Thukham deihna ka zuihna hang uh tawh hi lo hi. Bang hang hiam cih leh Thukham zuihna hang tawh kuamah in Pasian tawh kipawl theihna ngah zo lo hi.

9.Thukham zuih na a suang te

  • Matt 19:16-22 Khatvei, Jesuh kiangah mi khat hong pai a, “Sia aw, nuntak tawntungna ka ngah nadingin bang gamtat hoih gamta ding ka hi hiam?” ci-in a hong dong hi. 17Jesuh in, “Bang hangin bang hoih hiam cih thu hong dong na hi hiam? A hoih khat bek om hi. Nuntak tawntungna sungah na lutnop leh thukhamte na zui in,” ci-in a dawng hi. 18Amah in, “Bang thukhamte ahi hiam?” ci-in a dot ciangin Jesuh in, “Mi that kei in; numei tungah mawh kei in; mi neihsa gu kei in; zuauthu gen kei in;19na nu na pa zahtak in; nang na ki-it bangin na vengte na it in, cihnate ahi hi,” a ci hi.20Tua ciangin tangvalpa in, “Hihte khempeuh ka zuihsa ahi hi; bang kisam lai ding ka hi hiam?” a cih ciangin 21Jesuh in, “Mi cingtaak na hihnop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi. 22Tangvalpa in hih thu a zak ciangin, amah hau mahmah ahih manin, mai khingin a paikhia hi.
  • Thu kham te na zui in (1) Mi na that kei in (2) Numei tawh na mawh kei in (3) Mi neih sa na gu kei in (4) Na Nu leh Pa na zah tak in (5) Nang leh nang na ki it bang in na veng te na it in
  • Zeisu in mi cing tak (Perfact man) na hih nop leh pai in, na nei sa te va zuak in la,na sum khot te mi zawng te tung ah vapia lecin vantung ah sum na hau ding hi,Tua khit ciang in hong pai in la kei hong zui in aci hi, Tangval mi hau pa in hih thu a zak ciang in amah hau mah mah a hih man in maikhing in a pai khia hi.

Post a comment

This site uses Akismet to reduce spam. Learn how your comment data is processed.

Print your tickets