fbpx

Pasian lungkim na hi ding hi (3/21/2021)

Jahan 15:1-7

1Tua ciangin Jesuh in, “Kei pen leenggui taktak ka hi a, ka Pa pen leenggui lonei pa ahi hi. 2Amah in gah a nei lo ka hiang khempeuh satkhia a, gah a nei hiangte ahihleh a gah semsem theih nadingin a puah hi. 3Note tungah ka hong thugennate hangin note a siang na suak khinzo uh hi. 4Kei tawh hong kizom paisuak le-uhcin kei zong note tawh a kizom paisuak ka hi ding hi. A hiang pen a gui tawh kizom kei leh gah a gah theih loh mah bangin note zong kei tawh na kizop kei uhleh gah na gah thei kei ding uh hi.
5“Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi. 6Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kangtum hi. 7Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi. 
1 Peter masa 2:11
Ka itte aw, hih leitungah gamdang mi, a peempak bangin kingaihsun unla, na kha nuntakna uh tawh a kilehngat pumpi’ deihnate na kikham un
  • Ih nung tak na sung ah leeggui a hi ih Topa mah a ci kim tek ding in Topan thupha ong piak sak ngiat ta hen.
  • Hih Leenggui thu pen , Ih Topa in ah ni sim ih nun tak na ah a mah tawh ki zom den ding in ong deih Ih Topa hi.
  • ih nung tak na sung ah Jesus gum pa leh topa ih sang kei a leh hih leitung ah a mawk na hi ding hi.
  • Na nun tak na sung ah zu leh sa te pai khia in Jesus tawh a ton khawm a hi kim tek ding Topan ong deih hi.
  • Jesus tawh ih ki zop ciang in ah a mah hoih na tampi tak ong mu sak sak hi.
  • A piang thak pah pah ding hi lo zaw in,  na nuntak na sungah Zeisu mun a pia ngiat i hihding thu pi pen hi.
  • kam tuam pau na cih pen sin thei hi lo a, kha siang tho let song hi in, ong piak teh akingah pan hi.
  • ih nung tak na sung ah Pasian tawh ki zop a man phat na pen leitung bek hi lo in ah,van tungah tua sangin nop sa zaw in hampha zawding hi hang.

“Pasian lungkim na hi ding hi”

  • Ei mi hing te ih din mun ki bang kim lo hi hang
  • Ih duh kim zong khat leh khat zong ki bang lo hi hang
  • Nang tawh ki tuak hi na cih om leh up na tawh na la in
  • Topa in ong puak pha ngat ding hi
  • Zeisu in kei pen leenggui ka hi hi ,kei tawh ong ki zom un ci hi
  • Ka pa in lo a nei pa a hi hi, Zeisu tawh a ki zom lo te pen gah a nei lo ,gah vet lo hi
  • Zeisu tawh a ki zom ngiat te in a gah gah ngiat ding hi teh
  • Zeisu in ci hi ,kei tawh a ki zom lo te peuh mah gah vet lo ding hi ci hi
  • Thu um mi te ong ci na kammal te hi ngiat hi
  • Ih sung ah om Pasian kammal tawh ih nget ciang in, ong pia ding a ci ngiat hi
  • Na nung tak na sung ah tua Pasian kammal na koih a leh siat na tuam tuam te in ong puk sak zo lo ding hi
  • An ne vet lo ding in bawllung sui leh cin gual zo lo ding hi teh ,tua mah bang in na nungtak na ah nakha ann ahi laisiangtho na nek kei a leh na nung tak na tha ong nem sak ding hi
  • Ni sim nai sim in tha ong pia den ding hih laisiangtho bek mah hi, na kha ong picing sak ding tua laisiangtho kammal hi
  • Ei mah pumpi tha ong pia den ding Pasian kammal hi tawntung hi, ei mah pumpi mah mah  laisiangtho tawh a nungta ding hi ta hang

Late 119:105

Nangma thu pen lam hong lak ding meivak hi a,ka paina lampi-ah khuavak ahi hi

Isaiah 55:6

A kimuh thei hun lai-in Topa zong unla amah a nai om lai-in thu ngen un.

Jahan 1:29

A zing ciangin Johan in ama kiangah Jesuh Jhong pai a muh ciangin, “En un, leitung mawhna a lakhia Pasian’ Tuuno hih lai-ah hong pai hi.

Kolose 2:14

Eite a dingin a hoih lo, i mawhna a kiciamtehna khempeuh, hong phiatsak a, tuate khempeuh singlamteh tungah kilhcipin a beisak ta hi

Johan 19:30

Jesuh in tua leenggahzu-hau ciamin, “Man khinta hi,” a cih khit ciangin a lu puksukin a si ta hi.

Luka 24:6

Hih lai-ah om nawn lo hi; kithosak zo hi. Galilee gamah a om lai-in note kiangah thu hong genin,

Rom 6:9

Bang hang hiam cih leh sihna panin Khrih kihingkiksak khin a, si kik ngei nawn lo ding hi. Ama tungah sihna in vangliatna nei nawn lo hi, ci-in i thei hi.

1koin masa 8:5-6

Leitung le vantungah pasian le topa a kici tampi a om ahi zongin,eite a dingin Pasian khat bek, Pa khat bek a om hi. Ama a dingin i nuntakna pa, na khempeuh a piangsak pa ahi hi. Eite tungah nuntakna a hong pia, na khempeuh a piangsak Topa Jesuh Khrih khat bek a om hi.

Galati 3:13

Lai Siangtho in, “Sing tungah a kikhai mi peuhmah Pasian’ samsiat mi ahi hi,” na ci ahih manin eite a dingin Khrih in samsiatna a thuak manin Thukham zuihlahna hangin samsiatna panin eite a hong tankhia ahi hi.

2Korin nihna 5:17

Tua ahih manin mi khatpeuh, Khrih tawh a kipawl ciangin mi thak suak a, a mi lui ngeina bei-in a mi thak ngeina a neita ahi hi.

Luka 2:14

“Van a sang belna-ah a om
Pasian’ min thang hen la,
ama pahtak leitung mite tungah
nopna om ta hen,” a ci uh hi.
1Peter masa 2:11
Ka itte aw, hih leitungah gamdang mi, a peempak bangin kingaihsun unla, na kha nuntakna uh tawh a kilehngat pumpi’ deihnate na kikham un.
  • Ih nung tak na ah a um ciang bek hi lo ding in ah
  • Gah hoih a gah ngiat ding in Topan ong deih hi

1 Korin masa 15:33

Sanggamte aw, mi’ khemsa-in ta kei un. Kikholhpih hoih lote in mi siasak thei hi.

  • Na nungtak na,na kha nung tak na pen a man pha mah  mah a hi cih thei in
  • Leitung sang man pha zaw na kha nun tak na,nang nih vei a piang kik ding hi lo a,khat vei bek a piang ding na nuntak na a hihi
  • Na kha nuntak na te uh, ki kem bit un a ci ih Pasain kammal in ci hi.
  • Ih nungtak na te pen hih hun nu nung sung ah Pasian kammal tawh ih ki kep kei a leh puk na ding, pial na ding tam mah mah a hih man in ah, ki kem bit un lawm hoih lo peel un a ci ih Topa kammal in ci hi.
  • Na innkuan sung ah satan van hoih lo te a koih ding in Zeisu in ong deih sak lo hi
  • Van siangtho leh van hoih te bek mah innsung ah koih ding hi hang

1 Peter msa 1:15

Note a hong sampa a siangtho ahih mah bangin note zong na gamtatna khempeuh uhah na siangtho un.

Hebru 12:14

Mi khempeuh tawh na kilem theih nading uh hanciam un. Nuntak siangtho lo tawh kuamah in Topa mu zo lo ding ahih manin nuntak siangtho na nungta un.

Mangmuhna 20:6

Hih thawhkikna masa sungah a kihel mite pen Pasian’ mi siangtho hi a, a hampha mahmah ahi uh hi. Nihvei sihna in tua bang mite bangmah cihzo nawn lo ding a, amaute pen Pasian le Khrih’ siampite hi ding uh a, amah tawh kum tulkhat sung ukna aana nei ding uh hi.

1Korin masa 15:52

Peengkul nunung hong gin’ ciangin mitphiat kikal sungin i kikhelpak ding hi. Bang hang hiam cih leh peengkul hong gin’ ciangin misite a sithei nawn lo dingin hong tho ding a, i vekpi-in i kikheel ding hi.

Mangmuhna 9:6

Tua hun ciangin mite in a sihtheih nading uh a zonzon uh hangin sihtheih nading lampi mu lo ding uh a, sinuam mahmah napi-un sithei het lo ding uh hi.

Matthai 24:29

Tua gimna hun a tunkhit phetin ni hong mialin kha hong taang nawn lo ding a, vantung panin aksite hong kia ding a, vantung a om nate a pai ngei-in pai thei loin lampialgawp ding hi.

Jahan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

  • Samson zong  Pasian sathau nilh mah hi ven, siat na sung ah pai den ,A sih ciang a mit tang ki phel khia hi. A sih dong in tua siat na pen phel zo lo hi
  • Joseph nungtak na siat na tai san hi, Tua joseph nung tak na sung ah kamsia pau ngei lo hi, A tun tun a pai pai na ah pasian ta pa a hih lam ki lang sak hi
  • Ih nung tak na sung ah ei mi hing hih na ki lian sak lo a,Pasian hoih na ki lang sak a ,Topa nang ong sem in ci in ih cih tawntung ding nak pi tak in ki tamsam hi

Jahan 3:30

Amah lian semsem ding a, kei ka hih leh ka neu semsem ding hi.

  • Ih leitung ci leh sa hih na khempeuh neu sak sem sem in
  • Zeisu pen lian sak sem sem ding hi hang
  • Ih nuntak na ah bang hak sat na in ong tuam hiam,bang lungkham na in ong tuam hiam ,khat vei vei hamsa ki sa mah ni teh,Zeisu kiang zuan ding hi hang,na nuntak na ong ki lamdang sak ding hi
  • Zeisu it na pen’ na  hoih loh na pen pen na ngawn in, zong ong it tawntung ih topa zeisu hi
  • Na nun tak na ah sia ki sa in, ah lungkham ki sa in ah, mang bang ki sa in na omkha hiam, tuabang hun teh Zeisu  zuan ding hi hang.

 

Post a comment

This site uses Akismet to reduce spam. Learn how your comment data is processed.

Print your tickets