fbpx

Vantung mi nam(3)te (5/30/2021)

Vantung mi nam (3) te

  1. Michael (Gal Do)
  2. Gabel (Thutang ko pa)
  3. Lucifer (Zingsol)

Lucifer (Zingsol)

  • Lucifer Group min- Kerub
  • Ezekiel 28:13-16
    13Pasian’ Eden huan sungah nang na teng a,
    suangmanpha nam khempeuh tawh
    na kizem hi.
    Karnelian, topaz, le jasper,
    khrisolait, beryl, le onik,
    sapfaia, karbankel,
    le emerald suangmanphate,
    nangma kizepna hi a,
    kham tawh kibawl kizepna
    tampi tak zong na nei lai hi.
    Hihte khempeuh nangma a dingin
    na suah ni-in a hong kibawlsak ahi hi.
    14Sathau a kinilh kherub-te
    nang ka hong cingsak a,
    ka mual siangtho tungah
    nang na teng a,
    a tee zaizai suangmanphate lakah
    na vak kawikawi hi.
    15Gamtatsiat ding
    na kipat ma hun ciang dong,
    na suah tung a kipanin
    na gamtatna khempeuh
    paubaanna khat beek om lo hi.
    16Na sumbawl luatna hangin
    mi ngongtat na suak a,
    mawhna sungah na tungkha hi.
    Tua ahih manin ka mual siangtho panin
    nang ka hong hawlkhia a,
    a tee zaizai suangmanphate lak panin
    nang a hong cing kherub-te in
    a hong hawlkhia uh hi.
  • Leitung ah om suang man pha te pen Pasian in lucifer pen pia hi
  • Bang hang hiam cih Pasian in a zat ciang in ah a suak pek pan in ah siam na a piak talent a mah ih siam na maw ,Hau na ,Siam na ,La siam na Pasian phat na, suangman pha te khempeuh Pasian in lucifer tung ah a piak hi.
  •  A hih hang in ah aman Pasian a langpang khak ciang in ah koi tak ah Pasian in puak ei hiam cih leh? (Leitung ah khia hi) Tua a hih man in Vantung leh Leitung ong piak sak hi a ci hi.(Pancil 1:1)
  • Van tung mi te pen mihing tawh kibang maw kibang lo hiam? Vantung mi te pen mihing tawh a ki bang loh zia bang om hiam cih (l)Vantung mite pen – Kha tawh a om mite hi,mihing te sep theih loh khempeuh a mau sem thei hi (2) Vantung mite pen- Ki sik kik cih om ngei lo uh hi (3) Vantung mite pen- Nau suak cih om lo uh ,nu leh pa piang lo ,bawl lo, om lo uh hi (4)  Vantung mite pen- Thumang mah mah uh hi
  • Lusifer pen tulai tak in ah Hell ah om hiam Vantung ah om hiam? Hell puak nai lo hi ,Hun khat ni ciang in ah hell ah mi hoih lo khempeuh satan tawh ka susia ding hi ci hi.
  • Lusifer pen Vantung ah zong pai thei hi, bang hang hiam cih leh meeting khawng ah a kah hi.
  • Isaiah 14:12-15
    12“Nang Khuavak’ ta, Zingsol,
    Babylon kumpipa aw,
    vantung panin
    nang bangci kiat na hi hiam?
    Minamte a niam koihpa ahi nangmah
    leilak dongah hong bangci
    kiphukpai ahi hiam?
    13Nang in na lungsim sungah,
    ‘Vantungah ka kahto ding hi.
    A sangna mun, Pasian’ aksite’ tung pekah
    ka kumpi tokhom ka koih ding a,
    leilu lam peka
    kikhopna mualtungah ka tu ding hi.
    14Meiite’ tung pekah ka kahto ding a,
    Sang Pen pa bangin
    ka kibawl ding hi,’ na ci hi.
    15Ahih hangin nang pen
    Leinuai thuk penna
    Leihawm sungah
    hong kikoih suk ding hi
  • Lucifer pen Pasian in thupha pia mah mah in,Pasian ih tung ah om vantung ah a lian pen din mun ah a om nop ciang in ah Pasian in tel lua ,Pasian in ah amah ih ki hih sak na kei cih na lungsim , ken hih zo ing cih na te pen Pasian in deih lo hi.
  • Job 1:7 Topa in Satan kiangah, “Koi pana hong pai na hi hiam?” a ci hi. Satan in Topa dawngin, “Leitung khempeuh a lu pan a taw dong vak kawikawi-in ka va phehlehna mun panin ka hong pai hi,” a ci hi. 
  • Jude 1:9 Vantung milian pa Mikhael nangawn tua bangin gamta ngam lo hi. Moses’ luanghawm kituhin Dawimangpa tawh a kitot laitakin Mikhael in Dawimangpa zahkona kammal zang ngam loin, “Topa in nang hong taii ta hen,” ci bek hi.
  • 2Samuel nihna 24:1-8
    Khatvei, Israel-te tungah Topa hong hehkik a, amah in mite’ gim nadingin David hanthawnin, “Pai in; Israel le Judah mi a phazah sim in,” a ci hi. 2Tua ahih ciangin kumpipa in Joab le amah tawh a om galkap ukte kiangah, “Mite a phazah ka theih nadingin Dan panin Beersheba ciang dong Israel minamte khempeuh lakah pai unla mi phazah va sim un,” a ci hi. 3Ahih hangin Joab in kumpipa kiangah, “Ka to kumpipa’ muhin Topa na Pasian in mite tu-a a omzah za khatin a tamna behlap tahen. Ahih hangin bang hangin ka to kumpipa in hih thu deih na hi hiam?” a ci hi. 4Ahih hangin kumpipa’ kamgente in Joab le galkap ukte zozaw hi. Tua ahih ciangin Israel mite a phazah a sim dingin kumpipa’ omna panin Joab le galkap ukte a paikhia uh hi.
    5Amaute in Jordan kantanin kuam laizang a om khuapi Aroer panin kipanin Gad lam manawh uh a, Jazer-ah paisuak uh hi. 6Tua ciangin amaute Gilead tung uh a, tua panin Hit mite’ gam Kadesh tung uh hi. Tua lai panin Dan tungin, Dan panin kual pai-in Sidon tung uh hi. 7Tua ciangin Taia munmuanhuai le Hiv mite le Kanaan mite’ khuapite khempeuh tung uh hi. Tua panin Judah-te’ Negeb lam Beersheba-ah pai uh hi. 8Tua ahih ciangin gam khempeuhah amaute a pai khit uh, kha kua le ni sawmnih a cin khit ciangin Jerusalem-ah hong tungkik uh hi.
  • Ei leh ei ki hih sak thei na te ih nei khak hun ciang in ah Pasian in deih lo hi cih phawk hamtang ding hi hang
  • Gamlak vakna 16:2-3 Hih mite in pawl kai uh hi. Israel mite sung panin mi’ theihkim, mihon sung panin a kiteel, mihonte a makai mi zanih le sawmnga tawh Moses’ mai-ah ding uh hi. 3Moses le Aaron langpangin amaute kikaikhawmin amaute kiangah, “Khengval lua uh teh! Mihon khempeuhte a milipin siangtho uh a, amaute’ lakah Topa om hi. Bang hangin Topa’ mihonpite tungah nomau kiliansak tawm na hi uh hiam” a ci uh hi.
  • Mi pil mi siam 250 te in Moses leh Aaron pen langpang uh a,tua a langpang na hang un ah Pasian in ah  a tawp na ah leisung ah bei sak siang ,a nei leh lam te uh bei siang hi.
  • Pil na siam na ,Ei siam na te ih nei ciang kua mah thu sim nop loh na lungsim ih nei ciang in ah hih mi nam te ih phawk ding kong deih sak hi.
  • Sum leh pai hau in ah kua mah thusim nawn lo in ah ih sia te khawng thusim nawn lo , upa te thusim nawn lo ,a kua kua ci mai ni Pasian in ong bei mang sak thei hi.
  • Ki phat sak na te nam (3)
  • 1.lucifer bang in ah Pasian in ah pian pih thupha ,hoih na siam na pil na a piak , amah leh amah ki hih sak tua pen (kei) cih lungsim a nei na
  • 2.David kumpi pa pen sem lah sem ,bawl lah bawl ,a hun lah pia ,ken sem ing hih ing cih na lungsim ih nei tak ciang in David kumpi pa bang in ih ki phawk ding deih hi hang.
  • 3.Korah mi nam te bang in hau ing ,pil ing ci in ah ih kim ih pam pan in ah mi hawm thawh na ,ken hih zo lo ,a mau din mun lah hi tuan lo ,Pasian ong piak thupha en lah tua mun a nei lah hi lo,ih kim ih pam pan sang in ah hih zo ve ning e ,tua pa sang kei siam zaw ve ning e ei zong ,tua dan lungsim te ih nei ciang in ah Tuni in ah ho pih na a thak in pawlpi sung ah hih thu te ong gen nuam hi hing.
  • Mi hing cih ciang in ah hi ih sak na lungsim khat vei vei ong om kha thei zel hi ,tua hun ciang in ah Pasian in deih kei cih phawk hamtang ding hi hang.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Post a comment

This site uses Akismet to reduce spam. Learn how your comment data is processed.

Print your tickets