fbpx

ZON DING THU THUM

LEITUNGAH ZON DING THUPI TAMPI OM HI.

  • GENTEHNA 
  • Nuntak nading Sum zon loh pha mawh hi.
  • Tawldam tak leh khasum tampi ngah nading pilna zon loh phamawh hi.
  • Siamna tuamtuam sin loh, zon loh phamawh hi.

TUNI NA ZONG THU IN BANG HIAM?

  • KAWLTE PAUNAK (BURMESE PROVERB)
  • Kum tawm lai-in Pilna zong in.
  • Kum tampian ciang neih leh lam, sum leh paak zong in.
  • Sih kuanciang pasian thu zong in, ci uh hi. 

LUNGGULHNA TAKPI TAWH TOPA A ZONG TE’N MU DIN:

  • 1620 Kum, Sep.6 ni-in, Pastor John Robinson leh teembaw Captain Christopher Jones makaihna tawh England gam Plymouth pan May Flower teembawpi tawh mi 102 te, suak-ta tak-a, a nungta Pasian khatbek biak theih nading lunggulhna tawh hong paikhia uh hi.
  • Pasian’ deihna tawh kituak-a kalsuan theihna ding gam thak khat phut ding cih ngimna tawh tuipi tungah kha 2 val a pai khit uh ciang, America gam tung uh a, mi 102 te lak pan a lang val bang phalbi masa sungah si uh hi. 
  • Upna tawh gam that a zon na uh hangin gentheih haksatna tampi thuak uh hi.
  • Tua haksat hun pen Pasian thupha piak kipat hun hong suak a, a tu a tate uh tuni ciang dong thupha ngah suak mawk uh hi. 
  • Late. 9:10 bulphuh uh a, “Topa aw, nang mah a hong zongte nusia lo na hih manin, na min a theite in nang hong muang uh hi.” 
  • “America” – “The Kingdom of God on earth” cih na hi. A sum uh(Dollar-$)tungah laigelh uh a, “In God We Trust” ci lai uh hi.
  1. PASIAN’ THU ZONG DING, LUNGGULH DING
  • esuh leh a nungzuite Bethany khua ah lut uh a, Martha kici nimei khat in ama innah a tungsak hi. 
  • Mari kici sanggam numei khat nei hi. Mari in Jesuh khe phungah tu-in ama thu a ngai hi. 
  • Martha ahih leh an bawlin gim a, Jesuh kiangah va nai-in, “Topa aw, kei bek in an bawlin ka nau in hong huh loh ding na awi hiam? Amah in kei hong huh na ding thu pia in,” ci-in ngen hi.
  • LUKA 10:41-42
  • Jesuh in, “Martha aw, Martha aw, nang in na tampi na lung hi mawh a, gimna na thuak hi. 
  • Ahih hangin sapna khat bek a om hi. Mari in ahih leh, na hoih khat a teel zo hi. Tua na in ama tung pan kilakkhia lo ding hi,” ciin a gen hi.

Martha  

  • Nek leh dawn, sum leh paai tawh lung hih mawh den a, Pasian thu lungngai man nawnlo a, leitung thu bekbek tawh a bawi te hi. 

Mari

  • Kha nuntak nading, Pasian kammal sun leh zan ci lo in, kikhopna Biakinn mah zuan tang tang, Pasian thungai tang tang te pen Mari hi. 
  • India gam ah pasian tampi lak pan a nungta Pasian aom takpi leh tu zan in kei kiangah hong kilang in ci-in, Pasian na zong hi. 
  • Nong kilang kei leh zingsang ciang meileng lampi tungah meileng kigawi sak ding, ci-in amah leh amah kiciam in Pasian na zong hi. 
  • Zingsang khua vak kuan ciang, Jesuh in amah vangliatna tawh Sadu Sandra Singh lupna khan sungah hong kilang mawk hi. 
  • Tua ni a kipan a Pa hauhna,  neih leh lam khempeuh nusia in Jesuh na zong hi. 
  • Inn hoih lo hoih sungah ka om sang, Jesuh adingin zawn-na thuak in a nung na zui hi. 

Kumpi David in zong Topa na zong hi.

  • Late. 27:1-4, 10

4 “Topa’ tung panin na khat ka ngen khin a, tua ngenin ka zon ding pen: Topa’ inn sungah ka khan tawntungin om ding, Topa’ hoihna et ding le ama biakinn sungah thu dot dingte ahi hi.”

  • Topa’ inn sungah ka khan tawntung in om ding
  1. Late 27:1 – Vanglian Topa aw, nangma tenna mun bangzah takin etlawm ahi hiam? 
  2. Late 27:2 – Ke’n ka lunggulh mahmah hi. Topa’ huangsung ka lunggulh mahmah a, ka lungsim le ka pumpi a nungta Pasian’ tungah lungdam mahmahin la a sa hi. 
  3. Late 27:3 – Vanglian Topa, ka kumpi le ka Pasian aw, na biakna tau-ah, kawlgit nangawn in a inn ding mu a, phialphiah in a omna ding, a note a koihna ding bu a mu hi.
  4. Late 27:4 – Nangma inn sungah tengin, nangmah phatna a sa ngitnget mite thupha ngah mi ahi uh hi.
  5. Late 27:10 – “Bang hang hiam cih leh mun dangah ni tulkhat om sangin nangma huang sungah ni khat om hoihzaw hi. Gitlohna inn sungah ka ten sangin ka Pasian’ inn kongcing pa ka hi nuamzaw hi.”
  • Topa hoihna et ding.
  • Sim zawh loh vantung thupha i san nate, leitung thupha i san nate Cidam nate, Tate pilna sin nate, na sep hoih/ Khasum, neih leh lam, sum leh paai
  • Ama biakinn sungah thu dot dingte ahi hi.
  • I tel zawh loh Topa’ hong piak thupha te…
  • Na lamdang sep nate…
    • Late. 27:5 “Bang hang hiam cih leh haksat hun ciangin amah in a buk sungah kei hong seel ding hi. A puanbuk khuhna nuai-ah kei hong seel ding a, a sangna suang tungah kei hong koih ding hi.”

2) A GAM LEH AMA, DIKNA ZONG DING

  • Matt. 6:33 “Pasian’ Gam leh ama dikna zong masa un, Na zon’ uh leh, tua na khempeuh a hong pia thuah ding hi.” 
  • Na dang khempeuh sangin Pasian’ gam leh dikna zong dingin Jesuh deihna hi. 
    • “ZONG” : Lungsim Khempeuh pia-a na khat peuh zong (or) Cihtakna tawh na khat ngah nadingin hamciam.

JESU IN EITE TUNGAH ZONG DING THU 2 GENNA:

  • PASIAN GAM : I LUNGSIM
  • AMA DIKNA

3) TOPA MAIPHA ZONG DING

  • Late. 27:8  “Ka mai hong zong in,” na ci khin zo hi. Ka lungsim in nang tungah, “Topa aw, nangma mai kong zong hi,” ci hi. 
  • 2Khang-tangthu. 7:14  “Keima min-in a kisam ka mite amau mah mah kiniamkhiatin, thungen in ka mai hong zong a, amau gitlohnate panin a kihei uh leh, tua ciangin Keimah in vantung panin ka za ding a, amaute khialhna maisakin a leitang uh ka hoihsak kik ding hi.”

-SYA KHAI BAWI, DEC-20-2020-

Post a comment

This site uses Akismet to reduce spam. Learn how your comment data is processed.

Print your tickets