fbpx
Back to series

TRINITY – 3 GAWM PASIAN

– PIANCIL 1:26
“Tua ciangin Pasian in, “Eima lim, eimah hong sunin mihing bawl ni. Tuipi ngasate tung, huihlak vasate tung, ganhingte tung, le leitung a a bokvakte khempeuh tungah ukna neisak ni,” a ci hi.”

– PIANCIL 3:22
“Tua ciangin Topa Pasian in, “En un, mipa pen eite khat tawh kibang a, a pha le a sia thei hi. Amah in nuntakna singgah ne-in a hin tawntung khak loh nadingin i vaihawm ding hi,” ci hi.”

FACTS :
– 3 GAWM PASIAN om lam a thei masa pen MOSES.
– PASIAN tawh maitang ki mu kha pen MOSES bek om hi.
– SIANGTHO, SIANGTHO, SIANGTHO : 3 vei i cihna in, PA, TAPA, KHASIANG THO a vek a i pahtawina.

PASIAN in Vantung Mite tawh Thu Kikum Khawm Ngeilo:

– HEBRU 1:13
“Ahi zongin Pasian in ama vantung mite kiangah, “Na galte na khenuai-ah ka hong sikcipsak matengin ka taklamah hong tu in,” ci ngei lo hi.

– HEBRU 1:5
“Bang hang hiam cih leh Pasian in vantungmi khat peuhpeuh tungah, “Ka Tapa na hi hi. Tu ni-in na Pa ka suak hi,” ci ngei lo hi. Tua mah bangin, “Kei, ama Pa ka hi ding a, amah, ka Tapa ahi ding hi,” ci-in zong kam pau ngei lo hi.

3 GAWM PASIAN KHAT:

– I JOHN 5:7-8
“Hih thu-ah teci a pang thum om a, 8tuate pen Kha, tui, le sisan ahi uh hi. Hih thumte’ teci panna kibang kim hi.”

– JOHAN 1:1/14 ”
(1) “A kipat cil-in Thu na om a, tua Thu, Pasian tawh na omkhawm a, tua Thu, Pasian ahi hi.”
(14) “Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.”

– MANGMUHNA 4:8
“Tua ganhing lite in kha guk ciat nei-in, tua a khate’ sunglam le a pualamah mittang a dimtakin om a, a sun a zan tawlnga loin la sa uh a, “A beisa, tuhun, le a tawntungin a om Vanglian Topa Pasian, siangtho hi, siangtho hi, siangtho hi,” a ci uh hi. ”

– 2 KORIN 13:14 :PAUL in thupha apiak teh
“Topa Jesuh Khrih hong hehpihna thupha, le Pasian’ hong itna, le Kha Siangtho tawh kikholh theihna, note khempeuh tungah hong tung tahen.”

– MATTHAI 3:16-17
“(16) Jesuh a kituiphum khit phetin tui sung panin a paikhia pah hi. Tua laitakin vantung hong kihong a, vakhu bangin Pasian’ Kha Siangtho hong kumsukin ama tungah a khawl a mu hi. (17) Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.”

– MATT 28:19
“Tua ahih ciangin note pai unla, midang khempeuh, keima nungzui mi suaksakin, Pa min, Tapa min, le Kha Siangtho min tawh tui sungah na phum un.”

PA min. : LATE 83:18, LATE 68:4, YAHWEH
TA PA min : YAHSHUA, MESIAH, ZEISU
KHASIANG THO min : RUAH, PNEUMA

– PIANCIL 18:1-5
(1)”Mamre tawsaw gei-a Abraham a omna-ah Topa hong kilang hi. Abraham a puanbuk kong gei-ah sun nisat laitakin tu-in a om laitakin (2)a khuadaktoh leh, ama mai-ah mi thum na ding hi. Amah in amaute a muh ciangin amaute a dawn dingin puanbuk kong panin va tai a, leilakah kunsukin,. (3)“Ka tote aw, nong hehpihna-un na sempa hong kheng kei un. (4-5) Na nasempa’ kiang hong tung khin na hih khit buangun na thahat kik nadingun an tawmkhat ka va lak kikal sungin tui tawmkhat lasakin na khe uh sil unla, sing nuai-ah khawl un; tua khit ciangin paisuak un,” a ci hi. Tua ahih ciangin amaute in, “Na cih bangin hong hih in,” a ci uh hi”

– PIANCIL 18:9-14
(9)”Amaute in ama kiangah, “Na zi Sarah koi-ah om ahi hiam?” a ci uh hi. Amah in, “Puanbuk sungah om hi,” a ci hi.
(10A) maute khat in, “Tuzawh kha kua khit ciangin kong paikik taktak ding a, na zi Sarah in tapa khat nei ding hi,” a ci hi. Sarah in ama nung puanbuk kongah na ngai hi. 11Tu-in Abraham le Sarah teek ta uh a, a kum uh ham hi. Sarah a numei ngeina teng tawpta hi. 12Tua ahih ciangin Sarah amahmah nui-in, “Kei ka teek khit, ka topa zong a teek khitin tua bang hi thei nawn ding ahi hiam?” a ci hi.1Pe 3:6.
(13) Topa in Abraham’ tungah, “Bang hangin Sarah nui-in, ‘Tu-in kei teek ka hih ciangin ta nei takpi ding ka hi hiam?’ ci ahi hiam? (14)Na khat peuhpeuh Topa a dingin haksa lua ahi hiam? A kisehsa tuzawh kha kua ciangin nang kiangah kong paikik ding a, Sarah in tapa khat nei ding hi,” a ci hi.”

– JOHAN 14:16 : JESUS, THE FATHER, ANOTHER COMFORTER (HOLY SPIRIT)
“Keimah in Pa kiangah ka ngen ding a, note tawh a omkhawm tawntung dingin Thuman a hong lak Kha Siangtho, note hong Huhpa ding a hong pia ding hi.”
– JOHAN 17:21
“Pa aw, amaute khempeuh pumkhat a suahtheih nadingun ka hong ngetsak hi. Nangmah in kei na hong sawlna thu leitung mite in a uptheih nadingun ei tegel pawlkhat ihih mah bangin amaute zong eite tawh pawlkhat hong hi tahen.”

– 3 GAWM PASIAN KHAT A NASEP NA UH K IBANG LO:
1) PA PASIAN NASEP. : MATT 6:9
2) ZEISU NASEP : HEBRU 9:22, MARKA 16:17-18, I JOHN 2:1-2
3) KHASIANG THO NASEP : JOHAN 16:8-15 (JEHOVAH WITNESS), 1 KORIN 2:11 (UPC) , 2 PETER 1:20-21 (AG)

PA PASIAN leh ZEISU kibang lo:

– JOHAN 14:23
“Jesuh in, “Kei hong itte in ka thu zui ding uh hi. Ka Pa in zong it ding a, ka nihun tua mite kiangah pai-in amaute tawh ka omkhawm ding uh hi. 24Kei hong it lote in ka thugente zui lo ding uh hi. Tu-a na zak uh thute pen keima thu hi lo a, kei hong sawl Pa Pasian kiang panin a hong pai thu ahi hi. ”

– JOHAN 17:5
“Pa aw, leitung a kipiansak ma-in nang tawh i neihkhawm na pianzia mah tu-in nangma omna munah hong pia ta in.”

– SAWLTAK 7:56
” En un! Vantung kihong a, Pasian’ taklamah Mihing Tapa a ding ka mu hi,” a ci hi.”

– MATT 26:53
“Ka Pa kiangah ngen hi leng, vantung galkapte hon sawm le hon nih val, thakhat thu-in hong puakpah theih ding lamtak thei lo na hi hiam?”

– EFESA 1:2
“Eite’ Pa Pasian le Topa Jesuh Khrih in note tungah dikna le nopsakna thupha hong tungsak tahen.”

– JOHAN 14:6
” Kei lo tawh kuamah in ka PA kiang a tung kei ding hi.”

– MATTHAI 9:6
“Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a cih khit ciangin khutlekhezaw mipa kiangah, “Tho in; na lupna pheek pua inla na inn-ah ciah in,” a ci hi.”

THUNGET TEH> Kipatna: ” Vantung a om kote PA aw………” Tawpteh : ….ZEISU min tawh kong ngen hi.

– I TIMOTY 1:2
“Thu upna sungah ka tapa taktak ahi Timoti tungah lai ka hong khak hi.”

– JOHAN 14:8-9
“(8) Tua ciangin Filip in, “Topa aw, Pa hong lak lecin ka lung uh kim pah ding hi,” a cih leh (9) Jesuh in, “Filip aw, hih tanvei omkhawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?”

– JOHAN 1:18
“Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.”

– KOLOSE 1:15
“Khrih pen a kimu thei lo Pasian’ lim hi a, a kipiangsak khempeuh lakah tapa upa pen ahi hi.”

– JOHAN 6:46
“Hih bang ka cih ciangin Pa tawh a kimu khin ngei om hi, ka cihna hi lo hi. Pasian kiang panin hong pai pa bek in Pa a mu ngei ahi hi.”

ZEISU PASIAN LEH KHASIANG THO KI BANG LO:

– MATTHAI 4:1
“Tua ciangin Dawimangpa’ ze-etna a thuak dingin Kha Siangtho in gamlakah Jesuh a paipih hi.”

– JOHAN 16:7
“A taktakin ci lehang, kei paikhia kei leng note hong Huh ding pa hong pai lo ding a, kei paikhia leng note hong Huh ding pa hong sawl ding ka hih manin kei va paikhia leng note a dingin hoihzaw tham hi.”

VANTUNG ah teci pang thum om a, Leitung ahzong, Teci pang thum mah a om hi:

– I JOHN 5:7-8
“(7) Hih thu-ah teci a pang thum om a, (8) tuate pen Kha, tui, le sisan ahi uh hi. Hih thumte’ teci panna kibang kim hi.
VANTUNG : PA, TAPA, KHASIANG THO
LEITUNG : KHA, TUI, SISAN

– MATTHAI 24:37-39
“(37) Noah hun lai-in up hun lohpi khatin tuiciin a tun bangin Mihing Tapa zong up hun lohpi khatin hong pai ding hi.(38) Tuiciin a tun ma hunin, teembaw sungah Noah a tum ni hun ciang dong, mite in anne zune-in om uh a, mo kipi, mo kikha-in nuntak ngeina bangin om uh hi. (39) Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in theikhol lo ding uh hi.”

TUIPHUMNA (BAPTISM) :

– 1 KORIN 1:17
“Khrih in tuiphum nasep a sem dingin kei hong sawl lo a, Lungdamna Thu a hilh dingin a hong sawl bek ahi hi. Ka thuhilhna-ah zong thugen siamna le pilna a nei ka hi kei hi. Tua bang hi kei hen la, pilna le gen siamna a nei hi leng, Khrih in singlamteh tunga a thuakna thu in vangliatna a neihna hang kisa lo kha ding hi.”

– JERIMIAH 2:22
“Vuttui tawh kisilin satpiang tampi na zang zongin na mawhna nin ka mu lai veve hi, Topa Pasian in kong ci hi.”

– MATT 3:11
“Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpitakin lianzaw a, ama khedap a tawisak ding nangawnin ka kilawmzo nai kei hi.”

PASIAN 3 MAW 1?
– 1 KORIN 3:6-7
“(6) Keima nasep pen khaici vawh hi a, Apollos’ nasep pen tuibuah hi a, ahi zongin a khangsak pa ahihleh Pasian ahi hi. (7) Khaici vawh pa le tuibuak pa a thupi hi lo a, a khangsak Pasian a thupi hi bek hi. ”

VANTUNG ah PASIAN bangzah mu ding:

– MANGMUHNA 21:22-23
“manin tua khua sungah biakinn dang ka mu kei hi. 23Pasian’ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.”

– MANGMUHNA 4:5
“Tua tokhom kimkotah tokhom sawmnih le li om a, tuate tungah puanpak silhin kham lukhu a khu upa sawmnih le lite tu uh hi.”

Print your tickets