fbpx


 

1. KA PASIAN BANGDING IN ONG TAISAN NA HIAM?

– Pasian pen siangtho lua mahmah a hih man in mawhna tawh om khawm thei lo hi.
– Mawh nei leh mawhnei i ki gum thei kei hi.
– Mawh nei khat a suah tak theih na ding in mawhnei lo khat in a gup a kul a hihi.
– Tua mah bang in, Leitung mawh na Zeisu tung ah Pasian in a suattak tek Zeisu pen mawhnei pa ong suak a hih man in Pasian in na tai san hi.
– Zeisu in Pasian tawh a ki khen ding pen nasa lua mahmah a hih man in ( Ka Pasian, Ka Pasian bang ding ong taisan na hiam)ci-in tam na lo hi.
– Pasian in ong tai san ding khawng lung i hi mawh ngei hiam? Mawh nei te a i Zeisu hi. A hi zong in mawhna tawh om khawm thei lo hi.
– Tua aih man in mawh na te pulak in thu le hang, i mawh na ong maisak, i nat na ong dam sak Pasian a hihi. Lt. 103:3-4.

 

2.ZEISU MAWHNEI SUAK HI.

– Midik paZeisu tung ah Leitung mawhnakisuan aih man in, nang tung ah mawhsak na thu ki la khia khinta a hihi. ( Luahsuk mawhna)
-Mithat pa Banabas bang in nang zong a suak ta pa/nu na hihi.( mawhna kolh bulh mi khat a suah tak teh om hithiat cih om lo aa, a lungdam na pulak leh a huhpa(or) a suahtak na ding a huh a panpih pa tung ah tungdam a koih kul hi.
– Tua mah bang in Kei/ nang ong suak ta sak Zeisu tung ah lungdam kohna, pahtawina, minthan na khempeuh i pia hi.

 

3. LING LUKHU KIKHUSAK, KISAT NIM,TEI PI TAWH KIDAWT

– Ong ki si mawh ciang in i ut loh ttheihtheih ding, nop i sak loh theihtheih ding in, izum theih theih ding in, ong ki bawl hi.
– Pasian ta pa Zeisu in pangbetna, satna,zahkona, lingki phat lukhu a khuk na, apangpi teipi tawh kisut na te khempeuh hang in
– Nang leh kei, a um mikhempeuh a ding in hamsiat na pan i suahtak na ding, i gal pa Satan i sim mawh na te tung i gual zawh na ding, leitung thu leh la tuamtuam te tung ah i gual zawh na ding in Zeisu in ong thuak a hihi. ( Isai.53)

 

4. HIH MIPA IN PASIAN TAPA TAKTAK HI.

– Galkap bupa in Zeisu thuakna teng, asihna te a muh tak ciang hih mipa in Pasian tapa taktak hi ci-in a pulak khiat mah bang in
– Zeisu in Pasian tapa a hih na, Leitung mawhna puakhia pa a hih na a um thei nai lo, asang thei nai lo ten a sang theih na ding in nang leh kei in thunget na tawh, piak khiatna tawh, sem theih na atuamtuam tek tawh mapang in semkhawm tek ni.

Khazih gam zai semsem ta hen. Amen.

Gupkhiatna thupha nang leh na innkuan tung ah ong tungta hen. Amen.

from Pastor Sawm Thang


0 Comments

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.