fbpx

UPA ZAM NGING KIANG PAN

PASIAN lam hon sak na tawh Sep 18,2015 in Malaysia pan US ka tung uh hi.  Rev,Dr Thang Za Kap tawh ki thuza ka hih man un lung hiang lo in a ma om na Pawlpi ah ka lut pah uh hi. Pawlpi mi tam nai het lo Inn (14)na khawng hi mah leung KhaSiangTho in Hong ompih in nuam ki sa ki suak ta mah mah hi. 

      Pawlpi ki vai puak zia nuam mah mah a, Zum vai leh  Appointment Sia te Upa ten kua kua ci lo innkuan khat bang in hong van uh a,ki lung muang  mah mah hi.Sawltaak te hun lai mah bang in ki thu tuak mah mah in PASIAN hong heh pih na, Christ JEISU  hong  it na leh KHASIANGTHO hong  om pih na thu te gen belh in ki nei a, Bylaw cih te a thu bek in ki koih in a ki sap kei leh ki pu lak lak lo hi. Laisiangtho bang in ki ma kaih a hih man in  pawl hong lut masa sa suak ta in nuam ki sa mah mah hi.Ki thu tuak mah mah na hang in Pasian in a ki sam Biakinn pi zong kum 5 sung in hong lam pih zo a hi hi.

      Pil na bang mah ka neih loh hang in mipi deih na leh Pasian thukim pih na tawh Accountant kum (3 ) leh Secretary kum (2) ka sep hun sung hi a , makai te sung ah teamwork om mah mah a hih man in theih loh na te ki huh diam diam in nuam ka sa mah mah hi. Zomi  Agape  Church pen Pasian thukim pih mah mah Pawlpi, Jeisu Khris Suangpi tung ah ki lam Pawlpi a hih man in mai lam ah zong mi khem peuh lunglut in  khang to mah mah lai ding a,Satan gam ki Susia  in Khazih gam ki kek sem sem ding hi cih ka vision leh ka thu nget na a hi hi. 

Lai hong  simsak mi kiim tung ah lung dam.

Post a comment

This site uses Akismet to reduce spam. Learn how your comment data is processed.

Print your tickets